Mu gihugu cya Sudan y’amajyepfo intama yakatiwe igifungo cy’imyaka 3 nyuma gyo gusekura umutwe( bimwe bita kwica mu Kinyarwanda) maze uwo mugore bikamuviramo guhita apfa. Iyi ntama yagejejwe kuri station ya police nyuma yo gusekura uyu mugore w’imyaka 45 umute bikamuviramo guhita apfa nk’uko byasobanuwe n’umukuru wa Police Maj. Elijah Mabor.

Yagize ati” intama yatatse uyu mugore imuvunagura imbavu ako kanya ahita apfa. Inshingano zacu nka police ni ugutanga umutekano ku bantu n’ibintu ndetse no gutandukanya intambara hagati yabyo, rero iyi ntama yafashwe kandi ubu ngubu ikaba ifunzwe muri casho”.

Iyi nyamaswa yahise ifatwa nyuma yo gukorera uyu mugore ibya mfura mbi, bahita bajya kuyifungira muri kasho kugeza ubwo yaje guhamwa icyaha cy’ubwicanyi mu nkambi ya gisirikare nk’uko local21news dukesha iyi nkuru ivuga ko Times now news yabitangaje.

Umukuru wa Police yatangaje avuga ko nyirayo arengana bityo ariyo igomba kubizira ati” nyiri iyi ntama ararengana, ahubwo iyi ntama niyo yakoze icyaha igishyira mu bikorwa, bityo igomba gufungwa ndetse ikaza gushyikirizwa ubushinjacyaha maze bukayishyikiriza urukiko igakanirwa uruyikwiriye”.

Urukiko rwaje kwanzura ko nyuma yo gufungwa kw’iyi ntama, nyirayo agomba kwishyura inka 5 umuryango w’uyu mugore wahohotewe nayo akahasiga ubuzima nk’igihano cy’ibyo iyi ntama ye yakoze nk’uko byatangajwe na NDTV.

Amaze imyaka 5 yibera mu ishyamba| yahunze abantu bamuhemukiye| yavuze amagambo akomeye akora ku mutima.