Fabrice Nahimana Igisirikare cya Iran cyatangiye kurasa kuri Israel gikoresheje za drones, mu rwego rwo kwihimura ku gitero Israel yabagabyeho mu masaha make yatambutse.
Ni ibitero Israel yemeje ko yiciyemo Umugaba w’Ingabo za Iran zirwanira ku butaka, Umuyobozi w’umutwe w’Ingabo zidasanzwe za kiriya gihugu uzwi nka IRGC ndetse n’uwayoboraga ingabo zishinzwe gutabara byihuse.
Amakuru avuga ko mu rwego rwo kwihimura, Iran yohereje muri Israel drones zirenga 100 na za missile.
Ibinyamakuru mpuzamahanga birimo Televiziyo ya Al Jazeera biravuga ko Igisirikare cya Israel n’icya Jordan byatangiye gushwanyaguza ziriya drones.
Televiziyo ya Leta ya Israel iravuga ko ingabo z’iki gihugu ziri gushwanyuriza ziriya drones mu kirere cya Syria, mu gihe Channel 12 yo ivuga ko biri gushwanyurizwa mu kirere cya Arabie Saoudite.
Ibiro Ntaramakuru byo muri Jordan byo bivuga ko iki gihugu na cyo cyashoboye gushwanyaguza drones na missile zinjiye mu kirere cyacyo kuri uyu wa Gatanu.
