Dukuzimana Ignace Isimbi Yvonne Noeline wigeze kwiyamamariza kuba Nyampinga w’u Rwanda 2019, usigaye wiyita Noeline, yatangaje ko aherutse kwibagisha amabere bizwi nka ‘Breast surgery’ kugirango agararare neza. Ibi Noeline yabitangaje abinyujije kuri YouTube channel ye, ubwo yabwiraga abamukurikirana impamvu yari amaze igihe adashyiraho amashusho.
Yavuze ko YouTube channel ye yagize ibibazo byatumye acika intege mu gukora amashusho yo gushyira kuri YouTube, anavuga ko kandi yari ari guca mu bubabare bukomeye kubera kwibagisha amabere. Uyu mukobwa yaciye igikuba mu Rwanda, cyane ko ari umwe muberuye bagashyira amashusho y’imyanya y’ibanga yabo ku karubanda bagamije gushaka amaramuko.
“Njyewe mfite inzozi zuko byibuze mu myaka ibiri cyangwa se itatu nzahuza imbaraga n’abakinnyi bakomeye muri filime z’urukozasoni bamamaye ku rwego mpuzamahanga nko muri Amerika , n’ahandi. Ndifuza ko uyu mwuga wanjye wajya umpa no gutwara ibihembo mpuzamahanga” aha Isimbi Noeline asubiza Isimbi Tv ubwo yabazwaga ku ntego ye .
Aho yasobanuraga akazi akora benshi bita filime z’urukozasoni nyamara we agahakana yivuye inyuma akabyita akazi kandi kamutunze, kandi ko we atajya ashyira igitsina gabo muri filime ze ahubwo ko yikinisha yereka abantu uko bakwiye gukora imibonano mpuzabitsina. Uyu mukobwa Yigeze kuvuga ko afite imyaka itanu yari mayibobo ku mihanda yo mu Mujyi wa Kigali, aza kuhava ajyanywe mu kigo cy’inzererezi i Musanze. Iki kigo yakivuyemo afite imyaka 14 asubira i Rwamagana kubana na Se.
Ngo nyuma y’umwaka umwe yaje kwerekeza muri Uganda, ahava ajya muri Kenya, Bitewe n’uko atari afite ibyangombwa kandi ari umwana muto, mu buhamya bwe yigeze gutanga mu 2019 yavuze ko yatawe muri yombi amezi icyenda mbere y’uko yoherezwa mu Rwanda.
Agarutse mu Rwanda ngo yashuguritse ibyangombwa ari naho yahinduriye amazina nyuma aza gusubira muri Kenya. Aha yahabaye imyaka itatu mbere y’uko mu 2017 ajya muri Afurika y’Epfo, ahava asubira muri Kenya. Muri Kenya uyu mukobwa yongeye kuhava mu 2018 asubira muri Afurika y’Epfo, mbere y’uko muri 2019 agaruka mu Rwanda ari nabwo yiyamamarizaga kwegukana ikamba rya Miss Rwanda. source: yawetv
Dukuzimana Ignace 