Dukuzimana Ignace Umunyamakuru Ismael Mwanafunzi yasezeranye na Mahoro Claudine mu mategeko mu murenge wa Gacurabwenge wo mu karere ka Kamonyi. Ni nyuma gato y’aho Mahoro kuwa 17 Kamena 2023 yakorewe ibirori byo gusezera ku bukumi na bagenzi be [Bridal shower], ibirori byabereye mu rugo rwa mukuru we I Masaka.
Ismael Mwanafunzi uri mu banyamakuru bakundirwa ijwi rye mu biganiro akora, yamaze gufata irembo hakaba hatahiwe ibirori by’ubukwe biteganijwe ku wa 1 Nyakanga 2023. Ni ubukwe buzabera mu ntara y’Amajyepfo mu karere ka Huye, aho buzabimburirwa n’ibirori byo gusaba no gukwa.
Mahoro Claudine yamenyekanye cyane kuri radio Isango star na Radio10 na TV10, mu gihe Mwanafunzi azwi mu biganiro by’ibyegeranyo aho yakoreye ibitangazamakuru bitandukanye kuri ubu akaba akorera ikigo cy’igihugu cy’itangazamakuru RBA.
Dukuzimana Ignace 