Umuhanzi umenyerewe mu ndirimbo zo kuramya no guhimbaza Imana, Israel Mbonyi, yagaragaje ko atewe impungenge n’umubare 666. Abinyujije ku rukuta rwe rwa X ubwo yerekaga abakunzi be ko amaze kuzuza abamukurikira ibihumbi 666, yahise avuga ko ajya yumva bavuga ngo uwo mubare si mwiza asaba abakunzi be kumukurikira ngo awuveho.

Yagize ati “Nta kuntu mwajya kuri Youtube gukanda kuri subscribe mwokabyara mwe mukankura kuri ako ka nimero ko njya numva ngo si keza habe na mba?”

Icyakora ntabwo byaje gutinda umubare w’abamukurikira waje guhinduka ugera kuri 667K ndetse aranabyishimira. Israel Mbonyi amaze kubaka izina ritajya rigereranwa n’abandi mu ndirimbo zo guhimbaza Imana, aho bigaragarira ko kuri shene ye ya Youtube aho usanga indirimbo ze zose zararebwe n’abarenga miliyoni.