Ku wa 5 Nzeri 2023, nibwo Kazungu Denis yatawe muri yombi atangira gukorwaho iperereza ku mirambo yari iri mu cyobo cyari ahari igikoni cye. Aho yari atuye mu Mudugudu wa Gashikiri, Akagari ka Busanza, Umurenge wa Kanombe, mu Karere ka Kicukiro.

Kazungu w’imyaka 34 y’amavuko, aregwa ibyaha 10 birimo ubwicanyi bukozwe ku bushake, guhisaha umurambo no kuwushinyagurira, gukoresha undi imibonano mpuzabitsina ku gahato, iyicarubozo, n’ibindi byaha by’ubugome.

Kazungu Denis ukurikiranyweho kwica abantu 14, abataba mu cyobo cy’igikoni cy’inzu yari acumbitsemo mu Busanza, agiye gutangira kuburana mu mizi. Biteganyijwe ko aratangira kuburana mu mizi tariki ya 5 Mutarama 2024.