Kenny Sol umuhanzi nyarwanda umaze kwigarurira imitima ya benshi, nyuma yo kwerekana ko ari umwe mu bakunzwe hano muri Afurika y’Iburasirazuba akomeje kwagura umuziki we aho yerekeje mu gihugu cya Canada akaba ari gutegura ibitaramo bitanu bizabera mu migi itandukanye y’icyo gihugu.

Uyu muhanzi yahagurutse hano i Kigali ku wa 25 Nzeri 2023 yerekeza muri Canada. Igitaramo cya mbere azagikorera mu mujyi wa Edmonton ku wa 30 Nzeri 2023. Ku wa 7 Ukwakira azataramira mu mujyi wa Montreal mu gihe ku wa 8 Ukwakira 2023 azataramira mu mujyi wa Toronto aho azafatanya n’uwo bita Sidike Diabate.

Kenny Sol kandi azataramira ahitwa Quebec ku wa 13 Ukwakira 2023 naho ku wa 21 Ukwakira 2023 ataramire mu murwa mukuru Ottawa. Kenny Sol yerekeje muri Canada nyuma y’iminsi akoreye ibindi bitaramo ku mugabane w’Iburayi.