Mu mujyi wa Kigali mu Murenge wa Jali mu Karere ka Gasabo haravugwa inkuru y’umugabo bivugwa ko yatewe igisasu cyo mu bwoko bwa gerenade.

Amakuru avuga ko uyu mugabo w’umunyerondo yayitewe na mugenzi we bapfa umukobwa wicuruza (indya)

Umunyamakuru Pappy Ndahiro Valens yanditse kuri X ko umuturage yakimbiranye n’uwo bacyeka ko ashinzwe umutekano mu Kagari ka Buhiza mu Murenge wa Jali bapfaga indaya amutera grenade ariko ntihagira uwo ihutana.

Umuvugizi wa Polisi mu Mujyi wa Kigali Superindentent of Police( SP) Sylvèstre Twajamahoro yemeje aya makuru ko ibyo gutera grenade ari ukuri.

Yagize ati  “Byabaye koko hari grenade yaturitse ariko abakekwa bose bafashwe hatangiye iperereza ngo hamenyekane icyabiteye”.

Avuga ko hari andi makuru bagikusanya kuri iki kintu kuko iperereza ryatangiye cyane cyane ko hari abafashwe ngo babibazwe.