Fabos Fali 
Perezida wa Repubulika Iharanira Demokarasi ya Congo (RDC), Félix Antoine Tshisekedi yagize Maj. Gen. Evariste Somo Kakule, Guverineri wa gisirikare w’Intara ya Kivu y’Amajyaruguru, asimbuye Maj. Gen. Peter Cirimwami, uherutse kwicwa n’abarwanyi ba M23.
Ishyirwaho rya Maj. Gen. Kakule ryabanjirijwe n’iteka rya Perezida wa RDC rimuzamura mu ntera, ava ku ipeti rya Brigadier General agirwa Major General, ryatangajwe ku mugoroba w’itariki 28 Mutarama 2025.
Ishyirwaho rya Guverineri mushya wa Kivu y’Amajyaruguru ni umwe mu myanzuro yuvuye mu nama hagati y’inzego zitandukanye mu butegetsi bwa RDC ziri kuyoborwa na Perezida Tshisekedi kuva intambara mu Burasirazuba bw’cyo gihugu yahindura isura mu cyumweru gishize.
Mbere yo kugirwa Guverineri mushya wa Kivu y’Amayaruguru, Maj. Gen. Evariste yari asanzwe mu Gisirikare cya Congo (FARDC), aho kuva mu 2023 yari Komanda wa Burigade ya 31 izwi nka ‘31 Rapid Reaction Brigade‘ ibarizwa mu Mujyi wa Kindu mu Ntara ya Maniema mu Burasirazuba.
Iyo Burigade yashinzwe biciye mu Bufatanye bw’Igisirikare cya RDC n’u Bubiligi ndetse abasesenguzi benshi bemeza ko ariyo ya mbere ikomeye muri FARDC. Niyo yoherejwe mu Mujyi wa Beni guhangana n’umutwe w’iterabwoba wa ADF ukorera mu Burasirazuba bwa RDC wagiye wibasira uwo mujyi mu myaka itandukanye.
Maj. Gen. Evariste ahawe kuyobora Kivu y’Amajyaruguru mu gihe hakibazwa uburyo azabasha kugera mu Mujyi wa Goma ngo atangire izo nshingano kandi waramaze gufatwa na M23.
Fabos Fali 
