Gloire AKIMANA Umutwe witwaje intwaro utavuga rumwe n’ubuyobozi bwa Repubulika Iharanira Demokarasi ya Congo wemeje amakuru ko Colonel Bahati Baringene Saddam usanzwe ari umusirikare wa FARDC ari mu basirikare benshi biyunze n’uyu mutwe ngo bafatanye.
Uyu mutwe wabyemeje binyuze muri Major Willy Ngoma usanzwe ari umuvugizi w’igisirikare cyawo. Ndetse yahise avuga ko uriya Colonel wabarizwaga muri Brigade ya 21 yahise asanga Ingabo z’uriya mutwe wa Ritshuru.
Kuva ku wa Gatatu tariki 09 Mutarama 2024 ni bwo Umutwe wa M23 wemeje ko hari abasirikare benshi bakomeje kuva muri FARDC bakiyunga n’uyu mutwe, mu bo imaze kwemeza ko bahageze kandi harimo na Coloneli Biyoyo Josue.
M23 yakomeje kugaragaza ko ifite gahunda yo gukuraho ubutegetsi bwa Tshisekedi aho mu mwaka ushize ni bwo yagiye mu ihuriro Alliance Fleuve Congo ryashinzwe na Corneille Nangaa wahoze ayoboya Komisiyo y’amatora muri RD Congo bavuga ko bashaka guhindura imiyoborere y’iki gihugu.
Gloire AKIMANA 