Gloire AKIMANA 
Minisitiri w’Intebe wa Repubulika Iharanira Demokarasi ya Congo, Sama Lukonde, yashyikirije ibaruwa ikubiyemo ubwegure bwe Perezida w’iki gihugu, Félix Tshisekedi.
Ku mugoroba wo kuri uyu wa Kabiri tariki 20 Gashyantare 2024, nibwo ubwegure bwa Lukonde bwatangajwe ndetse ngo yeguye kugira ngo ahe umwanya Perezida Tshisekedi uherutse gutorerwa manda ya kabiri, wo gushyiraho Guverinoma nshya.
Perezidansi ya Repubulika Iharanira Demokarasi ya Congo ibinyujije kuri X yatangaje ko ibaruwa ikubiyemo ubwegure bwa Lukonde yashyikirijwe Perezida Felix Tshisekedi.
Ubu bwegure busobanuye ko Guverinoma yose yari ayoboye ahita iseswa. Kugeza ubu ntabwo impamvu nyamakuru yateye ubu bwegure iratangazwa gusa umwaka ushize yatorewe kwinjira mu Nteko Ishinga Amategeko ya RDC nk’Umudepite.
Gloire AKIMANA 
