Miss Nshuti Divine Muheto wabaye nyampinga w’u Rwanda mu mwaka w’2022, guhera tariki 19 Weyurwe 2023 agiye gukomezanya ikamba nk’umukoranabushake kubera ko muri uyu mwaka hatigeze hatorwa undi nyampinga. Irushanwa rya Nyampinga w’u Rwanda rizwi nka Miss Rwanda bisanzwe bizwi ko riba buri mwaka, gusa ariko muri 2023 ntabwo ryabaye kubera ibirego byavuzwe mu baritegura byanatumye umwe muri bo Ishimwe Dieudonne uzwi nka Prince Kid afungwa.  Uwateye inda Bijoux Aline yari musaza we mu bukwe bwe na Sentore wayobewe uwamwibye ariko azi aho amuhishe.

Nk’uko umuyobozi ushinzwe iterambere ry’ubuhanzi mbonwa mu Nteko y’Umuco, Kabasoni Alice, aherutse kubitangariza radiyo BB Umwezi, Muheto azakomezanya ikamba ariko adahabwa nk’ibyo yagererwaga mu mwaka yegukanyemo ikamba. Yagize ati “Ni ukuvuga ngo umuterankunga, atera inkunga mu gihe cy’amezi 12, nyuma y’aho Miss nta bihembo yongera kubona kuko ibyo aba yaremerewe biri mu masezerano biba ari iby’umwaka umwe.” nk’uko Bwiza babitangaje.

Akomeza agira ati “Ariko ntibivuze ko tutazakomeza kumuba hafi mu bijyanye no kunoza umushinga we, nta na rimwe tuzasiba kujyana nawe mu bikorwa bijyanye n’iterambere y’igihugu ndetse azajya afatanya na bakuru be bahawe amakamba mu myaka yashize.” Tariki 19 Weyurwe 2023 umwaka uzaba urangiye Miss Nshuti Divine Muheto yambitswe ikamba rya nyampinga w’u Rwanda. Bivuze ko azakomezanya iri kamba, akora nk’umukoranabushake kugeza muri 19 Weyurwe 2024 ubwo hazaba hatowe undi nyampinga.