Ministeri y’urubyiruko n’umuco itangaje ko irushanwa rya miss Rwanda risanzwe ritegurwa na Rwanda Inspiration backup iyobowe na Ishimwe Dieudonne uzwi ku izina rya prince Kid ribaye rihagaritswe mu gihe iperereza ririmo gukorwa.

Ni nyuma y’uko hari hamaze iminsi uyu prince kid afunzwe n’urwego rw’ubugenzacyaha RIB akuriranweho kuba yarakaga ruswa abakobwa bitabira irushanwa rya miss Rwanda mu myaka itandukanye, ndetse no muri dosiye yashyikirijwe ubugenzacyaha akaba yarashinjijwe ibyaha bitatu birimo gukoresha imibonano mpuzabitsina ku gahato, ruswa y’igitsina no guhohotera abakobwa.

Mu itangazo minister ishyize hanze uyu munsi tariki 09 zukwa 05, 2022 riragira riti” hashingiwe ku iperereza ririmo gukorwa n’urwego rw’ubugenzacyaha RIB ku muyobozi wa Rwanda inspiration backup ukekwaho ibyaha bifitanye isano n’ihohoterwa rishingiye ku gitsina yakoreye irushanwa bitabiriye irushanwa rya miss Rwanda mu bihe bitandukanye, minister y’urubyiruko n’umuco iramenyesha abanyarwanda ko ibaye ihagaritse iri rushanwa mu gihe iperereza rigikomeje”.

Kuri ubu uyu prince kid akaba agifunzwe, tunabamenyesha ko binabaye nyuma y’uko minister ufite inshingano z’iyi ministeri y’urubyiruko n’umuco Edouard bamporiki nawe afungiye iwe mu rugo, kubwo gukekwaho ibyaba bijyanye no kwaka Indonke, aribyo ruswa.