Fabrice Nahimana Nyuma y’ifatwa rya centre ya Bule yafashwe n’inyeshyamba za CRP, kuri uyu wa Gatandatu ushize, MONUSCO, ku bufatanye n’Ingabo za Uganda, bavanye Abasirikare ba FARDC bafashwe mu nkambi y’inyeshyamba i Rhoo, iherereye mu birometero bitanu uvuye i Bule.
Aba basirikare ba Repubulika ya Demokarasi ya Congo (FARDC) bari bafashwe cyangwa bagoswe n’inyeshyamba baherekejwe kugera mu mujyi wa Fataki kuri uyu wa Gatandatu, itariki 27 Ukuboza 2025 nk’uko bitangazwa na Kivu Morning Post.
Imirwano yongeye kubura ku wa Gatanu hagati y’Ingabo za FARDC n’inyeshyamba za CRP, ziyoborwa na Thomas Lubanga, yumvikanyemo intwaro ziremereye ndetse n’izoroheje guhera saa moya za mu gitondo.
Uyu mutwe w’inyeshyamba waje kwemeza ko ugenzura agace ka Bule, mu gihe Ingabo za Congo zahakanaga ayo makuru, ahubwo gitangaza ibikorwa byo gusukura ako gace.
Umunsi wabanjirije uwo, kuwa Kane, ibintu byari byakomeje kuba bibi muri ako gace, bituma ibikorwa by’ubukungu n’amadini bihungabana.
