Kuri uyu wa kabiri, mu bitero by’indege bya Israel, nibwo hatangajwe umubare munini w’Abanyapalestina batakaje ubuzima w’abantu barenga 700 akaba ariwo mubare munini w’abantu bapfuye mu masaha 24.

Ibi kandi byatangajwe na Israel ivuga ko yahitanye abarwanyi benshi ba Hamas mu gitero cyaraye kibaye kandi intambara yo gusenya umutwe wa kisilamu izatwara igihe kirekire.mu gihe inzego z’ubutabazi zatangaje ko muri Gaza hari ibibazo hakeneye ubufasha, Emmanuel Macron uyobora u Bufaransa yerekeje muri Israel agira icyo abwira Minisitiri w’intebe Benjamin Netanyahu.

Yamubwiye ati”u Bufaransa bwifatanyije na Israel mu ntambara irwana na Hamas ariko Israel igomba kurwana ikurikiza amategeko.Umuryango w’Abibumbye wasabye Israel guha inzira izindi mfashanyo zerekeza muri Gaza, ivuga ko imfashanyo yatanzwe ari nkeya ugereranyije n’ubwinshi bw’abaturage bari mu kaga.

Minisiteri y’ubuzima muri Gaza ivuga ko abantu bakabakaba 5800 bamaze gupfa kuva ibi bitero byatangira. Ibi bitero byabaye bivugwa ko byahitanye abantu 700 biyongera ku bandi 400 bapfuye ku cyumweru gishize.