Kuva mu mpera z’umwaka wa 2022 nibwo Moreen umugore wabyaranye na Danny Nanone yatangaje uburyo Danny Nanone babyaranye umwana wa Mbere ndetse n’ubu akaba amutwitiye, yanze kumuha ubufasha bwo kurera umwana no kumwitaho kugeza ubwo yamujyanye no mu nkiko kuri ubu bakaba bari kuburana ku bijyanye no kurera.  Mu buryo butunguranye umugore wa Danny nanone agaragaye nk’umunyabinyoma kubyo yavuze byasubije Danny mu rukiko agereranwa na Derira wa Samusoni.

Ibi byose byabaye nyuma y’uko uyu muhanzi Danny Nanone yafunzwe ubugira kabiri bivugwa ko ahohotera umugore we, ariko akaza gufungurwa kubwo kubura ibimenyetso byemeza ko ari ukuri, aribwo Moreen yatangiye kwifashisha itangazamakuru anavuga amakuru y’umuryango we ndetse n’uwa Danny nanone.

Mu kiganjro uyu muhanzi Danny Nanone yagiranye na The choice live, umunyamakuru yamubajije niba koko ibyo Moreen amushinja byo kuba ataragize uruhare mu kurera umwana bafitanye w’imyaka 9, Danny asubiza avuga ati “ ibintu byabaye byarabaye ndetse nta n’ubwo ari ibanga, ari nayo mpamvu nifata nkabishyira no mu ndirimbo ariko ikintu nzi neza, nakoze ibyo nagombaga gukora kandi nanitaye ku mwana wanjye birenze urugero, ntibivuze ko namukoreye ibikenewe byose ariko nakoze ibyo akeneye ku bushobozi nari mfite.”

Danny Nanone yakomeje avuga ko ibintu biri mubyamubabaje, ndetse bituma anagirira umwana we impuhwe ari ukuntu nyina yagiye avuga ibintu by’umuryango wose mu itangazamakuru akabishyira ku ka rubanda, yagize ati “ ndibaza, kuvuga ibintu ntacyo bitwaye, ariko ibaze umuntu akajya kuka rubanda akavuga umuryango, ngo papa we, ngo mama we, nibaza uburyo nk’umwana ajya ku ishuri agahura n’abandi uburyo bamureba.”

Danny Nanone yakomeje avuga ko ibiganiro byose Moreen yakoze yagendaga arebamo bike muri byo, ariko akaba atewe amatsiko n’ibyo ari kumuvugaho kuburyo byageze akajya abikurikira ngo amenye ibyakurikiyeho kubyo arimo kumuvugaho, yagize ati “ bro ntago ndi uriya muntu, ntago ndi uriya muntu Moreen yavugaga, hari ubwo numvaga nshaka kuza nanjye mu itangazamakuru ngo mbwire abantu ko ibyo Moreen ari kuvuga ari ukuri kugira ngo mworohereze, ariko reka nkubwire ikintu kimwe, gufata umwana wanjye nkamwanga, mu izina ry’Imana ndagira ngo nkubwire ko n’utari uwanjye mfite ubushobozi namufasha.”  Umuhanzi Danny Nanone yakomoje ku makimbiranye amazemo iminsi n’umugore babyaranye mu ndirimbo nshya yasohoye.

Uyu muhanzi yakomeje avuga ko ibintu byose ku muntu ushaka gusesengura ari urucabana, kubera ko uyu mwana Danny iyaba amwanga cyangwa se atarashatse kumufasha, igihe uyu mugore yaje mu itangazamakuru Danny yari kumwihakana, bityo nawe ubwe akaba atumva impamvu yari kwanga umwana we kuburyo Atari kumufasha mu bushobozi yari afite.    Urutonde rw’abahanzi babiciye bigacika mu gihugu ariko kuri ubu baburiwe irengero.