Nubwo akunda kugaragara atanga ibitekerezo kuma television akorera kuri Murandasi, Ingabire Immacule ntago yari yarigeze avuga ku rubanza rwa Ishimwe Dieudonne wamenyekanye nka prince kid, dore ko mbere hose yari yaramuvuzeho ubwo yari afunzwe ndetse anavuga kuri miss Rwanda.

Ubwo yaganiraga na Irene, Immacule yavuze ko kuva kera hose miss Rwanda atigeze ayishyigikira kubera impamvu zitandukanye, zirimo kuba yarasanze nubwo ari irushanwa ariko rishobora kuzana amacakubiri mu bantu, yagize ati” njyewe njya nkunda kuganiriza bariya bakobwa iyo bari muri bootcamp, icya mbere bose ni beza cyane ku mubiri, ndetse yewe biragoye gutoranyamo uwo kwita nyampinga kubera ko bose iyo uganiriye nabo usanga bafite ibitekerezo.”

Ati” ariko ikintu cyatumye ntabishyigikira ni ibyo bageneraho batoranya abakobwa, uburebure cyangwa se ingano y’umuntu kandi nta muntu n’umwe wigeze wireman go ahitemo uko azangana, mba mbona biriya ari amarangamutima y’ushaka gutoranya cyane ko abantu twese tudakunda kimwe, hari ubwo njyewe naba nkunda abantu babyibushye, undi agakunda abananutse, rero nta guca kuruhande biriya byazana amacakubiri mu bantu.”

Bamubajije k’uko yumva byazagenda nyuma y’uko irushanwa rya miss Rwanda barivanye mu maboko ya prince kid ubwo yaari afunzwe, yavuze ko icyaba cyiza ari uko ritazanagaruka, yagize ati” ahubwo ndumva riramutse ritagarutse aribyo byaba ari byiza, kubera ko aho kugira ngo ikintu kibeho ariko kijya kizana rwaserera nk’izi ngizi buri gihe, ahubwo cyarorera amahoro agahinda.”

Ingabire bamwibukije ko ari inshuti na Mutesi Jolly akaba yaranamubwiye ko amukunda agakunda n’ibyo akora, ariko nyuma Mutesi akaba ari mu bashyizwe mu majwi ku kuba baragambaniye prince Kid, bamubajije niba yaba yaramwegereye akagira icyo amubazaho, avuga ko atigeze amwegera ngo amubaze, yagize ati” icya mbere nta gihamya kigaragaza ko Mutesi ariwe wagambaniye prince kid, ikindi ntago nari kumwegera ngo mubaze, cyane ko niyo yaba yarabikoze ukamubaza atabikwemerera.”

Amaze kuvuga gutyo icyakora yagize ati” ariko kuri icyo kintu, Mutesi Jolly ariwe muntu wagambaniye Prince kid, no kukwica yaba yakwica nta kabuza.  Kugambanira umuntu? Ariko uzi ko uwakugambaniye yanakwica? Kandi burya aba anafite icyo yishe. Nonese wamara igihe kingana kuriya muri gereza utariho ukora, ugomba kuzaza ugatangirira kuri zero wenda uzaza ujya no mu mishanga mishyashya,nta n’ikintu gipfa mu mitekerereze yawe se? erega gupfa si ugushyingura, rero uwo muntu aba yakwishe.”

Ingabire Marie Immacule ni umuyobozi wa Transparent international Rwanda igamije kurwanya ihohoterwa cyane cyane irikorerwa igitsinagore, Ruswa ndetse n’akarengane, akaba akunda gutanga ibiganiro by’imbwirwaruhame bishishikariza kurwanya ibyo bintu ndetse na we akavuga ko aribyo bintu yanga cyane kurusha ibindi, naho ibyo atinya akaba atinya icyaha.

Nyuma yo gufata umugore we amuca inyuma umugabo agahita afungwa, umuryango we wagaragaje akarengane arimo kubera imbaraga z’uwamuciye inyuma.

Umwe muba shoferi yagaragaje impamvu nyamukuru iri gutuma imodoka za HOWO ziri gukora impanuka cyane muri iki gihe.