Ibushize nibwo twabagejejeho inkuru y’umugeni wabuze ku munsi w’ubukwe bwe, ndetse umusore bari gusezerana ari mu marira menshi nkuko byagaragaraga, ikirenze ibyo uwo musore ndetse n’umuryango we bavugaga ko ari imikino umuryango wuwo mukobwa ndetse n’umukobwa nyirizina bamukinye ngo ariko nta bukwe bari bateguye kuko banagera iwabo wumukobwa basanze umukobwa ntawe uhari yewe banasanga nta muntu wo kubitegura uhari ntibanabakira, byatumye umusore ndetse n’umuryango we bahamya badashidikanya ko uyu muryango wabakinye, kuko banavugaga ko bari bamaze gukwa uyu mukobwa inka 2 zose ndetse n’amafranga ibihumbi 300frw.

Kuri iyi nshuro umukobwa ushinjwa kuba yarabuze ku munsi wubukwe bwe yagaragaye, aho yemeye kuganira n’itangazamakuru akavuga impamvu nyamukuru yatumye ibyabaye kuri uriya munsi wubukwe buba, umukobwa yatangiye avuga ati” amazina yanjye nitwa MUSABWA SCOVIA. Nje kubaganiriza kubyambayeho muri iyi minsi. Ndi wa mukobwa wasizwe icyasha mu minsi yashize ko nabuze ku munsi w’ubukwe ari ibintu nateguye, ariko nkaba nje kuvugisha ukuri kose k’ukuntu byagenze abantu basobanukiwe impamvu”.

Akomeza avuga ati” nakundanye na MURENZI Alex, dukundanye haciye imyaka ibiri nandi mezi, mbese imyaka itatu ntago yari iruzura neza, twakundanye bisanzwe nkuko abantu bose bakundana, nta mbogamizi zigeze ziza mu rukundo rwacu, tugeze igihe cyo kubigaragaza mu babyeyi tubishyira mu bikorwa, turabigaragaza aza mu rugo gufata irembo ndetse no gukwa, hari kuri 4 zukwa 12, dufata itariki cyangwa ababyeyi baduha itariki 5 zukwa 2 zo gukora ubukwe bwacu, hanyuma 13 zukwa mbere nibwo twagiye gusezerana ku murenge, bamaze gufata irembo twiteguye ubukwe bisanzwe nkuko aribyo twari tugamije, ariwe aritegura nanjye nditegura, tujya kwandikisha ku murenge baduha izo tariki nta kibazo kirimo”.

SCOVIA akomeza avuga ati” imyiteguro yarakomeje kuko mu bukwe habamo ibintu byinshi, umuntu agura ibyo agomba gushyira mu rugo rushya, twahuriraga mu masoko iteka, ahantu hose twakoreshaga ibikoresho byo gushyira mu rugo, twiteguye ubukwe, ibi bindi byaje ntago umuntu yari abifite mu mutwe, ari njyewe cyangwa se na we nta muntu wabiteganyaga, kuko iyo tubiteganya ntago tuba twariteguye ubukwe. Mubyo twaganiriye mu buzima bwubu fiancé, twaganiriye byinshi bishoboka nk’abantu benda kubana, ariko mubyishe ubukwe ntago yabimbwiye”.

Umunyamakuru yabajije SCOVIA ikintu kigaragaza ko MURENZI atamubwiye icyishe ubukwe, kandi Murenzi afite ibimenyetso bifatika bigaragaza ko SCOVIA mu ijoro ryo kuwa gatanu rya mbere y’ubukwe yagiye agacika ari nacyo cyatumye ataboneka ku munsi w’ubukwe, SCOVIA asubiza avuga ati” impamvu mvuze ko ibyishe ubukwe ntago yabimbwiye, nuko ibintu byishe ubukwe ariwe byaturutseho. Byabaye kuwa kabiri, yarwanye kuwa kabiri nimugoroba, nabwo ntago ariwe wabimbwiye, nabimenye kuwa gatatu nibwo nabyumvishe, umuntu anterefona ambwira ngo umugabo wawe yarwanye, ngo ariko ngo ndabona agiye kwitaba kuri RIB ngo ubanza banamufunze. Numva ni ibintu bishya, uwo wanterefonye yari na numero ntago namenye uwo ariwe, mubaza niba umugabo wanjye yarwanye numusore cyangwa se umugabo, uwampamagaye ambwira ko umugabo wanjye yarwanye n’umugore yinjiye, yakodeshereje inzu bafitanye n’umwana w’amezi 3, numva ni nk’ibintu by’ibinyoma kuko mu bintu yanganiriye ntago icyo kintu kirimo”.

SCOVIA yakomeje avuga ko nk’abantu benda kubana, MURENZI ibyo atigeze abimubwira ko abana n’umugore ndetse bafitanye umwana, avuga ko ntabyo yari azi, kugeza ubwo yumvise ibyo bitabaho uwo muntu akanamukupa kuko atashakaga kubyumva, ngo kuwa gatatu yirirwa aho, kuwa gatatu nimugoroba aterefona MURENZI ngo amubaze niba ibyo yumvise aribyo, MURENZI amufashe SCOVIA amubaza ibintu yumvise ibyo aribyo, MURENZI amubaza ibyo aribyo amubwira ko yumvise ko bamufunze, MURENZI amubaza uburyo yaba afunze ariko akaba ari kwitaba phone, amuhakanira amubwira ko adafunze. SCOVIA yamubajije niba yarwanye MURENZI amuhakanira amubwira ko atigeze arwana, nuko baganira bisanzwe ubundi basezeranaho.

SCOVIA yakomeje avuga ati” kuwa kane hrageze numva ibintu byakomeye, nanone mbyumvana abantu, hanyuma kuwa kane nimugoroba pastor wacu aza mu rugo, hari inama y’umuryango, aza kumbwira ko Atari bunsezeranye. Mubaza icyabaye ambwira nkuko wa muntu wampamagaye kuri telephone yari yabimbwiye nkabyita amagambo, ambwira ko umugabo wanjye yarwanye akarwanira mu rugo rw’abandi ndetse agakubita umwana, pastor avuga ko rero atasezeranya indaya cyangwa se umuntu urwana. Pastor akiri aho ngaho nahise mpamagara MURENZI ndamuvugisha abantu bose bari kumva, mubaza impamvu ibintu byakomeje kuba byo kandi we yampakaniye, MURENZI ambwira ko nta kintu kirimo gikomeye, avuga ko yarwaniye murugo rwe kuko uwo barwanye ari umugore we kandi bafitanye umwana, ambwira ko hari ibyo batumvikanyeho akamukubita”.

SCOVIA yakomeje avuga ko yumvise bimushyize ahantu ku buryo atanabajije MURENZI ibibazo byinshi nyuma yo kumva ibyo umugabo yari yizeye ko bagiye kubana amubwiye. Akomeza avuga ati” ibaze umugore ntari nzi imyaka ibiri irenga namezi, kugeza tugiye mu murenge  ndetse kugeza dupanze ubukwe, ariko amaze kumva ko nabimenye aba aribwo abimbwira ko ari umugore we akodeshereza, bafitanye n’umwana, MURENZI ambwira ko rero ibyo byabaye bitamwicira ubukwe, pastor yadusezeranya cyangwa se atadusezeranya byanga byakunda ubukwe turabukora”.

Ngo SCOVIA akimara kumva ibyo yahise abwira MURENZI ko iby’ubukwe abivuyemo, ubwo hari kuwa kane, MURENZI amusubiza ko bitakunda, ngo abandi bajya mu nama y’umuryango, SCOVIA nawe baramuhamagara, ahageze pastor abasobanuriye uko byagenze bamusaba ko abaha umwanzuro we, bamubwira ko ibintu babyumvise bityo abahe umwanzuro wo kugenderaho, ngo nibwo SCOVIA yahise abasubiza ko atakibishoboye kuba yakorana ubukwe na MURENZI, kuko ntago urwo rugo yarujyamo, ngo kuko niba umuntu bakundanye imyaka irenze ibiri agatera inda ntabimubwire, akabyara ntabimubwire, akaba akodeshereza uwo yashatse ntabimubwire kandi amwereka ko ariwe mugore we. Ngo umuryango wamwigishije umubwira ko agomba kujyayo, ariko SCOVIA we avuga ko umwanzuro yafashe wo kudakora ubukwe nta numwe mumuryango we wari umushyigikiye yewe yaba na pastor, kuko bose bamubwiraga ko atagomba kwica ubukwe ku munsi wa nyuma.

SCOVIA yakomeje avuga ko umuryango wakomeje kumubwira ko ashatse yakwemera akajyayo, ahubwo yagerayo bikanga akabona kuvayo byibura ariko ubukwe atabwishe, kimwe nuko nanone ngo yari kujyayo akabona ko yasezeranye ubundi akagabanya amarere ubundi akareka iyo ndaya ye akemera kubana na SCOVIA, gusa ngo SCOVIA we yakomeje kumva afite igikomere cyo kumva ababaye cyane kubwo kuba MURENZI yaramuhishe igihe cyose bari kumwe byibura bavuye no ku murenge ntamubwire. SCOVIA yageze aho bamuhase amagambo menshi abereka ko abyemeye ariko atabyemeye, ababwira ko bakomeza ubukwe, ubwo basoje inama barataha. Bucya ari kuwa gatanu SCOVIA akomeza kuryama ariko akumva umutima we ukomeje kumuhatira kutabana na MURENZI wamubeshye kugeza ku munsi wa nyuma.

SCOVIA yakomeje avuga mu gahinda kenshi ndetse ari no kurira ku buryo umunyamakuru yabanje gufata akanya ko kumwihanganisha, gusa akomeza avuga ati” nubwo umuryango wanjye nawusize icyaha cyo kuba ari abahemu, n’umushumba nkamusiga icyasha cyo kuba ari umuhemu, ariko bose nta numwe uzi umwanzuro wanjye nafashe. Mu byukuri navuye mu rugo mbereka ko ngiye kwisokoresha, ariko kwisokoresha ntago aribyo byari binjyanye, nagiye nshaka kubahunga gusa, nsiga abantu buzuye urugo kuburyo bendaga kumpa na marene wanjye ngo tujyane ariko mbona ntaho ndi bumucikire, ndamubwira ngo reka nijyane nta kibazo, mbereka buryo ki hari abandi bari ku muhanda turi butahane marene asigare akora akandi kazi, basigara bitegura ubukwe, nahamagara uwo gutegura imyenda byose ngira ngo mbereke ko mfite gahunda ariko njyewe ntabyo nari ndimo”.

Mu marira menshi SCOVIA avuga uko byagenze kwihangana byanze araturira ararira, bifata akanya katari gato ndetse hazamo no kumwihanganisha, nuko akomeza avuga ati” icyabinteye nta kindi nuko yambeshye, numva ko ubuzima nkubwo ntabubamo, bityo reka ngende ndababara igihe runaka wenda bishire ariko sinzababare ubuzima bwanjye bwose. Nta mpamvu yo kwirohs mu bintu ntazi ngo azananire noneho dufitanye numwana mbe indushyi kandi narishyizeho umutwaro mbireba, icyo nicyo cyatumye ngenda”.

Mu nkuru ibanziriza iyi ngiyi, twababwiye uburyo uyu MURENZI ku munsi w’ubukwe yagiye kureba SCOVIA ariko akamubura agateza akaduruvayo, noneho umunyamakuru yamubaza niba SCOVIA aramutse agarutse akamusaba imbabazi akemera ko bakomeza ibyo kubana, MURENZI agasubiza ko atabyemera, umunyamakuru yamubajije impamvu atabyemera MURENZI asubiza ko icyo ashaka ari uko yazasubizwa ibintu byose yatanze kuri SCOVIA harimo n’inkwano, uwo munyamakuru yabajije SCOVIA uko we abyumva nuko SCOVIA asubiza avuga ati” inkwano ze agomba kuzihabwa, nonese naba nabivuyemo, yambura akabura nibye? Ibye agomba kubihabwa”.

Umunyamakuru yabajije SCOVIA niba nyuma yo kumenya amakuru yarakoze ubushakashatsi koko agasanga MURENZI yarazanye undi mugore ndetse akaba abana nawe amukodeshereza inzu baranabyaranye n’umwana, SCOVIA asubiza ko inkuru  ari kimomo, kuko nabatuka SCOVIA ngi bamushinja ko kuva mbere hose yari abizi ahubwo yarabihishe ko abizi, gusa SCOVIA avuga ko ntabyo yari azi kuva mbere hose, kuko ntago yari kuba abizi ngo bitumen bigera kuri urwi rwego. SCOVIA yabajijwe uko inkwano zingana, avuga ko batanze inka ebyiri inyana n’indi ibyaye, ndetse n’ifatarembo ibihumbi maganatatu (300,000frw), ibyo bikaba bihura neza nibyo MURENZI yavuze mbere.

SCOVIA bamubajije niba ibyo bintu byose byatanzwe na MURENZI umuryango wa SCOVIA witeguye kubisubiza, SCOVIA asubiza agira ati” usibye amafranga yakoreshejwe, kuko yo ntago twavuga ngo mugitondo arahita aboneka tuyasubize, ariko ibyatanzwe byose bigomba gusubizwa uko byagenda kose. Amafranga yarakoreshejwe, bigeze hagati bagurisha n’inyana kugira ngo nigurire ibintu by’ibijyambere”.

SCOVIA bamubwiye ko MURENZI avuga ko byose yabipanze kugira ngo arye ibintu bye, ndetse ko na MURENZI yavuze ko azamujyana mu buyobozi kumurega, SCOVIA avuga ko ibyo babyibeshyeho cyane kubera ko aramutse yarashakaga kurya ibintu bye ntago yari gutegura ubukwe, ikindi kandi ubukwe bwabo bari gusezerana ubundi bakajya kubana, niyo yari kubana nawe umwaka umwe bagahana gatanya (divorce) bari kugabana ibyo bafite.

SCOVIA akomeza guhamya ko kwishyura ibintu bya MURENZI bizagorana ariko n’ubundi agomba kubyishyura kuko ntago icyo yabitangiye yakibonye, ikindi kandi kuba barakoresheje ibyo umuhungu yatanze nk’inkwano nuko nta bundi bushobozi bari bafite. Uko kukaba ariko kuri kwe ku byabaye agira ngo akure n’abantu mu rujijo. SCOVIA akomeje gusaba imbabazi umuryango we ndetse na pastor yasize icyasha, akomeza avuga ko ku muryango wa MURENZI ho nta kintu yababwira kuko ibyamubayeho n’abana babo byababaho, ibyo bashaka bazavuge ibyo kuko nibyo arimo, akomeza avuga ko gusa Atari umuhemu, Atari umutekamutwe, nta business yamushingiye ngo amaze gutera imbere amwange, ngo inyungu ze nuko imbere he hazaza atagomba kubabara nkuko yari kubabara abana na MURENZI. Ushaka kuvugana na SCOVIA numero ni 0788624225.

Niba ukunda gusoma inkuru z’uruhererekane zirimo ubutumwa ndetse z’amateka, urukundo n’ubuzima, kuri uru rubuga rwacu twatangiye inkuru IBANGO RY’IBANGA: Uko amaraso yacu yabaye umusozi w’amaganya muri menu y’inkuru ndende. Tangirana nayo utazasigara.

Imana ibahe umugisha, turabakunda cyane.