I Dublin mu Murwa Mukura wa Irlande, ku wa kane habaye imyigaragambyo ikomeye yateje ukutumvikana aho Polisi y’iki gihugu yari ihanganye n’abaturage bayo. Ibi byatangijwe biturutse ku bantu batanu batewe ibyuma mu gace ka Parnell Square, barimo abana batatu, umugore n’umugabo umwe.ibi byatangiriye hafi y’ishuri ubwo uyu mugabo yazaga yitwaje icyuma agakomeretsa abo bantu.

Iyi nkuru yasakaye ku mbuga nkoranyambaga ubwo amashusho yajyaga hanze agaragaza itsinda ry’abagabo bahanganye na Polisi kugeza aho batwika imodoka yabo. Ndetse hari n’abandi bantu bafite ibyapa byamagana ihohoterwa rikorerwa abanya-Ireland abandi n’abo bagakoresha imvugo zamagana abimukira. Polisi yabujije abaturage gukurikiza amarangamutima yabo bagatanga ubutumwa buyobya ku mbuga nkoranyambaga.

Polisi kandi yataye muri yombi umugabo w’imyaka 50, utatangajwe imyirondoro ye, ashinjwa uruhare mu gikorwa cy’ubugizi bwa nabi.Polisi yavuze ko gikorwa kitari icy’iterabwoba nk’uko bamwe babigize impamvu yatumye bishora mu mihanda, ahubwo ni igikorwa cy’umuntu ku giti cye gusa na n’ubu impamvu yabikoze ntabwo iramenyekana.

Ku bijyanye n’iki gitero cyagabwe n’umuntu witwaje icyuma, Minisitiri w’Intebe Leo Varadkar, yatangaje ko uyu muntu yamaze gutabwa muri yombi, ariko hataramenyekana icyatumye agaba iki gitero kuri Polisi y’irinze guhuza n’icyiterabwoba,kuri ubu abana babiri muri aba batewe ibyuma ,basezerwe mu bitaro, mu gihe undi umwe n’abandi bakuru bakiri gukurikiranirwa kwa muganga, kuko bakomeretsa bikabije.