Umuyobozi w’ivuriro gatolika muri Leta ya Colorado Denver, yamaganye itegeko rishya ry’iyi leta ya Colorado ryakanguriye abantu guhagarika gufata imiti itizewe yo gukuramo inda. Iri tegeko Denver yariteye utwatsi avuga ko aribona nk’imbogamizi mu kwita ku baganga ndetse n’abarwayi be.

Mu iburanisha ryabereye mu rukiko rw’ikirenga, Dede Chism washinze akaba n’umuyobozi mukuru wa Bella Health and Wellness, yavuze ko ibyo abadepite bavuze mu kiganiro mpaka ku cyemezo kijyanye no guhagarika ibikorwa byo gukuramo inda ndetse no gukangurira ababyeyi batwite gufata imiti ituma inda zitavamo byamuteye ubwoba. Yavuze ko ahangayikishijwe n’ibishobora kubera ku ivuriro rye aramutse akomeje gutanga imiti ku bagore bashaka guhagarika gukuramo inda.

Yagize ati: “nkeneye ikintu gifatika kurushaho”, ibi yabivugiye mu iburanisha ryabaye ngo bamenye niba icyemezo cy’agateganyo umucamanza w’akarere ko muri Amerika Daniel Domenico cyo guhagarika ishyirwa mu bikorwa ry’itegeko rishya ryerekeye ivuriro rye gikwiye gukomeza. Domenico yavuze ko azatanga ikindi cyemezo hasigaye iminsi mike ngo icyemezo cye cy’agateganyo kirangire.

Iri tegeko ryemezwa ko ari ryo ryonyine muri Amerika, ryashyizweho umukono na guverineri wa demokarasi Jared Polis, ku ya 14 Mata. Ivuga ko abakozi bashinzwe ubuzima bagatanga imiti yo gukuramo inda bari kwishora mu myuga idasanzwe. Ibi bikaba bigomba guhagarikwa keretse abagenzuzi ba leta batoye amategeko avuga ko byemewe mubikorwa bisanzwe.

Mu gusubiza ikirego cya Bella Health and Wellness, inama z’ubuvuzi n’abaforomo za Leta zatoye ko zitazubahiriza iryo tegeko kugeza igihe icyemezo cyo gufata imiti ihagarika gukuramo inda kirangiye, biteganijwe kandi ko kizarangira muri Nzeri.

Iri tegeko rishya kandi rikumira imiryango yamamaza ko itanga serivisi zo gukuramo inda cyangwa kuboneza urubyaro mu buryo bwa magendu, ivuga ko imigirire y’ubucuruzi ishuka hakurikijwe itegeko rya Leta rirengera umuguzi. Abadepite ba Leta na bo batangaje ko guhindura imiti yo gukuramo inda ari akaga kandi kayobya ndetse ko katanashyigikiwe na siyansi.