Ubwo Miss Mutesi Jolly na miss Karema Hannah wa Uganda baherutse kuganira, biyemeje guhangana n’ingorane abakobwa bitabira amarushanwa y’ubwiza bahura nazo. Ni nyuma y’uko aba bombi batembereye ibice bitandukanye by’igihugu cya Uganda nyuma bakaganira ku mishanga ibafitiye inyungu yabahuza ndetse ikanagirira akamaro abandi bakobwa bagenzi babo.  Pasiteri Antoine Rutayisire ahaye izina rigayitse umusore wateye inda umugore wa Platini avuga n’ikosa  rikomeye Platini yakoze

Miss Mutesi Jolly wanabaye nyampinga w’u Rwanda mu mwaka wa 2016 yatangaje ko yasuye miss Uganda 2023 bakaganira kuri ibyo bikorwa, Karema na we akamwemerera kuzamusura bakabinoza. Yavuze ko bunguranye ibitekerezo ku bijyanye n’umwanya bafite n’uburyo bashobora guhangana n’ingorane abakobwa bitabira amarushanwa y’ubwiza bahura na zo.

Yanakomeje avuga ko bavuze ku buryo bashobora gushimangira uru rubuga cyangwa umwanya bafite bagafasha abakobwa kugera ku ntego za bo cyangwa kubaho ubuzima bufite intego zihamye. Yanatangaje ko yasabye Karema gusura u Rwanda ari na cyo gihugu nyina umubyara akomokamo. Src: Igihe