M’ugushyingo 2021 nibwo Uwamwezi Nadege wamenyekanye cyane nka Nana muri filime y’uruhererekane yitwa City maid, yafashe rutemikirere yerekeza ku mugabane w’u Burayi asanze umugabo we bari bamaze kwemeranya kubana. Nyuma y’igihe agezeyo, yatangaje ibintu bitatu bikuru byamugoye akigera mu Burayi.    Ubuhamya bwa Bella wacurujwe atabizi n’inzira y’amahwa yagiriye mubarabu kubera ibihumbi 5 by’idorari

Mu kiganiro yagiranye na Isimbi tv, yavuze ko nubwo ibyamugoye ari byinshi akigera I Burayi, ariko bitatu by’ingenzi ari ibiryo, ikirere no kuba nta bantu baziranye bari bariyo ngo bajye baganira anabisanzureho. Yavuze ko ubuzima bushingiye ku bintu byinshi ariko nk’umuturanye yagahaye ibyo gusangira ahubwo ntamusuhuza, agereranya no mu Rwanda aho abaturanyi aba ari abavandimwe kuburyo mutizanya n’ibintu runaka, ariko mu Burayi ho umuturanyi arapfa ukugira ku kazi nk’ibisanzwe.

Yakomeje avuga ko akumbuye bamwe mu bakinnyi bakinanaga muri filime, ikipe ye yose uhereye kuri cheri we Nick, mukeba we Nikuze, ba Rosine na Diane n’ikipe tekinike yose. Yanavuze ko byashobora ko mu minsi iri imbere ashobora kuzongera kugaragara muri iyi filime ikomeje gukundwa. Uretse kuba ari umukinnyi wa Filime ari ni n’umunyamideri aho afite iduka ry’imideri.