Umugabo w’umupasiteri witwa Ayer Elijah ukomaka mu gihugu cya Togo, akunze kugarukwaho cyane mu itangazamakuru ndetse no ku mbuga nkoranyambaga kubera imyitwarire idasanzwe azwiho yo kwigisha ijambo ry’Imana yambaye inkweto z’abagore.

Muri Gicurasi 2022 ubwo uyu mugabo yaganiriye n’ikinyamakuru Mpasho cyo muri Kenya, yatanze ubuhamya avuga ko kwambara inkweto z’abagore byose bikomoka ku burwayi yari afite nyuma Imana ikamutegeka ko agomba kwambara inkweto z’abagore nyuma agakira uburwayi. Uyu mugabo agitangira kumenyekana abantu bari bazi ko aba agamije gusetsa gusa nyamara ngo ni umuti.

Muri Togo ari naho akomoka, ibitangazamakuru byaho bivuga ko  iyo Pasiteri Ayer yambaye inkweto z’abagabo agira uburibwe bukomeye mu mubiri ariko kuva yazireka ubu ameze neza aho avuga ko ashobora kuba yarakize ubwo burwayi.