Dushimimana Lambert, amaze iminsi mike agizwe guverineri w’intara y’Iburengerazuba asimbuye Habitegeko Francois. Dushimimana yari amaze imyaka itatu irenga ari mu nteko Ishinga Amategeko umutwe wa Sena.

Ubwo yamaraga gushyirwa muri uyu mwanya, umuturage wo mu karere ka Nyamasheke witwa Habumugisha Vicent abinyujije ku rubuga rwe rwa X rwahoze ari twitter, yahise yandikaho ibibazo 10 yise iby’ingutu bitegereje uyu muyobozi mushya aho yanditse ati “ibibazo icumu by’ingutu bitegereje ibisubizo bya guverneri mushya.”

Icya mbere: Ikibazo cy’ingurane

Icya kabiri: Gukemura ikibazo cy’ibikorwaremezo

Icya gatatu: Kubona amazi meza

Icya kane: Kurandura ruswa n’icyenewabo

Icya gatanu: Gukebura abashoramari bo muri iyi ntara

Icya gatandatu: Kurangiza burundu ikibazo kiri mu bucuruzi bw’umucanga

Icya karindwi: Kurengera ibidukikije habungwabungwa ikiyaga cya Kivu gisagarirwa n’abaturage

Icya munani: Kutajya inama hagati y’Ubuyobozi n’Abaturage

Icya cyenda: Kumenya igikwiriye gukora ku isoko rya Kirambo Nyamasheje

Icya cumi: Guteza imbere siporo

Nubwo intara y’Iburengerazuba isanzwe igaragaramo ikibazo cy’imiyoborere, ariko abasanzwe bazi Dushimimana uje kuyobora iyi ntara, bavuga ko basanzwe bamuzi ko amenyereye iby’ubuyobozi kuburyo bamufitiye icyizere cyo kuzakemura ibibazo bigaragara muri iyi ntara, ngo cyane ko Atari ubwa mbere aje mu buyobozi muri iyi ntara kuko yigeze kuyobora Inama Njyana y’Akarere ka Rubavu, akaba yari n’umuyobozi wa komisiyo ya Politiki n’imiyoborere muri sena y’u Rwanda.

Nubwo iyi ntara ifite ibibazo by’imiyoborere ariko, niyo ntara ifite ubutaka bwera ndetse ikagira n’amahirwe menshi mu iterambere nka pariki, ikiyaga cya Kivu, gukora ku mipaka myinshi n’ibindi.