Rimwe na rimwe, abakobwa bajya gutungurwa bakabona umusore bari bazi ko ari mu rukundo, nta mukunzi agira. Bakibaza bati” ese kuki Atari mu rukundo?” kuri iyi nshuro kugira ngo tugusubize icyo kibazo wibaza, tukuzaniye impamvu eshanu rukumbi zituma abasore beza, bateye neza kandi bakize ukunda gusanga nta bakunzi bagira.

ABA AHANZE AMASO KURI CARRIER YE.

Akenshi aba basore usanga bahanze amaso kubyo bakora kandi bifuza kuzavanamo umusaruro w’igihe kirekire bityo bigatuma batabona umwanya wo kujya mubyo gukundana. Ikindi kandi ashobora kuba agaragara neza kubera ko akora cyane ibyo akora kugira ngo azagere ku hazaza he.

ASHYIRAMO UBWITONZI KUBERA KO ABA ASHAKA GUKUNDANA AGAMIJE GUSHINGA URUGO.

Abasore bakunze gushidikanya kujya mu rukundo iteka iyo mu mitwe yabo bishyizemo ko umukobwa bagomba gukundana ariwe ugomba kubabera umugore bazabana.  Niba uri umukobwa ukaba ukunda umusore umeze gutya ariko utarabimubwira (crush), nakugira inama yo kujya ukunda gusohokana n’uwo musore kugira ngo akugirire icyizere ndetse ukanakunda kumubaza uko yumva urugo rwe ruzaba rumeze.

NTAGO YARI YIVANAMO UWO BAKUNDANYE BAGATANDUKANA (EX).

Abasore bikunda kubagora cyane nyuma yo gutandukana n’abo bakundanaga. Iyi ishobora nayo kuba impamvu ituma atajya mu rukundo rushyashya. Niba uri umukobwa uzi umusore nk’uyu wenda ntago wamuhatira kujya mu rukundo, ariko ushobora kubona icyizere cye uramutse utangiye kujya umuganiriza umuha inama zijyanye n’urukundo.

ABA YIFUZA IBIRENZE KUWO BAZAKUNDANA.

Iyo umusore yifuza ibintu birenze kuwo yifuza ko bakundana, akenshi bikunda kumugora kumubona.  Niba uri umukobwa ukaba warakunze bene uyu musore ushobora kumenya ibyo ashaka, ariko nakugira inama yo kwitonda kuko hari ubwo wakundana nawe ukananirwa kwihanganira ibyo yifuza kuri wowe.

YAHAZE GUHURA N’ABAKUZI B’AMENYO.

Iyi ni imwe mu mpamvu abasore beza ndetse b’abakire bakunze kwihitiramo kuguma bonyine.  Baburiye urukundo uburyohe kubera ko iteka abakobwa babegera aba ari abanyabugugu.  Niba uzi uyu musore ukaba waramukunze, nakugira inama yo kujya umuganiriza unamubwira ko udashaka kumukunda kubera amafranga ye, nubwo bishobora kumugora kuba atabitekerezaho.

Umusore ugukunda by’ukuri ntashobora kugukorera ibi bintu uko byagenda kose.

Umusore ukora bene ibi bintu abakobwa bamwubaha cyane bakanamukunda.