Ni gute wabera umusore mukundana umukunzi ariko akakubonamo icyerekezo cyo kuzamubera umugore mwiza? Ibi iyo wamaze kubisobanukirwa, uba wamaze kubona inzira yo kwereka umuhungu mukundana ko nta mpamvu afite yo kukurekura. Muri iyi nkuru tugiye kubagezaho itandukaniro ryagaragajwe n’abasore riri hagati y’umukobwa w’umukunzi ndetse n’ugaragara ko azavamo umugorw mwiza nk’uko tubikesha urubuga love.      Bimwe mu bihugu umukobwa wujuje imyaka 12 ahita ashyingirwa nta gutinda

1. UYU MUKOBWA IYO MURI KUMWE MURISANZURANA ARIKO NANONE UKUMVA UTUJE MURI WOWE: iyo bigeze ku gutoranya abantu bazabana, abasore bifuza umuntu bazumva batuje igihe bari kumwe. Umusore uri mu kigero cy’imyaka 30 yagize ati “Yego nibyo, ibi ni ingenzi cyane kubera ko ari umuntu tuzaba turi kumwe igihe kinini.” Nk’umukobwa, igihe uzi ko umukunzi wawe ananiwe, byaba byiza kumusaba kugumana mu rugo aho gushaka aho mutemberera hanze.

2. UYU MUKOBWA ABA ARI UMWIZERWA KU BIJYANYE N’AMAFRANGA KANDI YITA KU BIJYANYE N’IBIKENEWE MU RUGO: niba uri umukobwa ukaba wifuza ko umusore agufata nk’uzavamo umugore we, byaba byiza umweretse ko agomba kukwizera ku mafranga ye yakoreye avunitse. Umusore umwe yaravuze ati “impamvu ni uko tuba tuzafatanya konti imwe ya bank igihe tuzaba twarabanye.” Byaba byiza udasesaguye amafranga mu bitari ngombwa kubera ko azaba areba ibyo ukoresha amafranga.

3. UYU MUKOBWA ABA AZI KWITWARARIKA MU BIBAZO BY’UBUZIMA BUSANZWE: kugaragara ko witwara mu bibazo by’ubuzima busanzwe ndetse no kumenya icyo gukora mu muryango cyangwa se abagukikije igihe bagukeneye, byatuma umusore akubonamo umugore. Umusore yagize ati “uko naba nkunda umuntu kose, agomba byibura kuba afite ubwenge karemano.”  Uko witwara mu muryango w’aho uvuka cyangwa uturuka bigushyira ku murongo mu myitwarire y’ubuzima bwawe.

4. UYU MUKOBWA YUMVA YAKWIGENGA KU BIJYANYE N’AMAFRANGA N’AKAZI KE: abasore baba bifuza ko umukobwa bakundana yigenga mu bijyanye n’ibyiyumviro. Umusore umwe yagize ati “njye ntago nabana n’umuntu unkeneye kugira ngo abashe kubaho.” Niba uri umukobwa, gushaka ibyo gukora wigengaho byatuma umusore akubonamo umugore kurusha kuba umukunzi gusa.

5. UYU MUKOBWA ABA AFITE AGACIRO K’UMURYANGO YIFUZA KUZEGERAHO: kuganira uko umuryango wanyu wazaba umeze n’igihe mufite abana ni urufunguzo rwatuma umusore yifuza gushyingiranwa nawe. Umusore yagize ati “njye ntekereza ko ngomba kubana n’umuntu niba nzi uko ntekereza uko tuzaba tumeze igihe tuzaba tubana.” Niba ushaka kumenya uko umusore mukundana atekereza ku muryango, watangira umubaza nk’ikibazo uvuga uti “ ese turamutse dufite abana byaba bimeze bite?”