Mu nkuru zimaze iminsi zitambuka mu binyamakuru bitandukanye bya hano mu Rwanda zavuze ku muhanzi Niyo Bosco, byavuzwe ko yatandukanye na Sunday entertainment yari amaze igihe gito asinye amasezerano nayo, gusa haba ku ruhande rwe ndetse na Sunday Justin nyiri iyo nzu itunganya umuziki nta n’umwe wari warigeze agira icyo abivugaho.

Kuri uyu wa 08 gashyantare 2023 mu kiganiro Niyo Bosco yagiranye na Jalas, yavuze ko ibyo bintu byo gutandukana na label ya Sunday entertainment ntabyo azi, yagize ati “ ibyo bintu ntabyo nzi, ikindi kandi ibyo ibitangazamakuru byanditse ndetse wowe n’ibyo wumvise ubwo wakumva ukuri ari ukuhe?” abajijwe impamvu yasibye email bakoreraho booking ku mbuga nkoranyambaga ze, iyo email ikaba iyiyi nzu nshya itunganya umuziki bagiranye amasezerano, Niyo yavuze ko Atari we wabikoze.

Jalas amubajije amasezerano yasinyanye na Sunday, Niyo yavuze ko ayo masezerano ari ibanga, ati “ amasezerano twasinyanye ni ibanga ikitari ibanga ni ukuvuga ko ari ibanga.” Gusa abasanzwe bakurikira imyidagaduro bakanatanga ibitekerezo bamwe bavuze ko wasanga ibi byose biri kuvugwa kugira ngo batwikire indirimbo nshya Niyo agiye gusohorana na Sunday entertainment, abandi bakavuga ko bishoboka ko batandukanye koko, gusa Niyo we atangaza ko abamukurikira bitegura indirimbo mu byumweru bibiri biri imbere.

Rubavu: Mu marira menshi umukobwa avuga ihohoterwa akorerwa n’umuryango we n’uburyo ubuzima bwe buri mu kaga nta mutabazi afite.