Inama y’aba ministiri iyobowe na nyakubahwa perezida wa repubulika Paul Kagame yabereye muri village Urugwiro yateranye kuri uyu wa 13 gicurasi 2022 yemeje ko bitakiri itegeko kwambara agapfukamunwa nk’imwe mu ngamba zo kurwana icyorezo cya COVID 19.

Iyi nama kandi yongeye gusuzuma no kuvugurura ingamba zafashwe no gukumira ikwirakwira ry’icyorezo cya COVID 19 no gushyira mu myanya itandukanye abayobozi. Imwe mu ngamba zikomeye zakuweho ni iyo kwambara agapfukamunwa nk’itegeko.

Ingamba yo gukuraho agapfukamunwa yasohotse igira iti” ntibikiri itegeko kwambara agapfukamunwa, icyakora abantu barashishikarizwa kwambara agapfukamunwa igihe bari ahantu hafunganye kandi hahuriye abantu benshi, abaturage barakangurirwa kandi gukomeza kwipimisha kenshi no kubahiriza ingamba zo kwirinda COVID 19”.

Kwmabara agapfukamunwa byagizwe itegeko kuva muri mata 2020. U Rwanda rwakuyeho agapfukamunwa nyuma y’igabanuka rikomeye ry’ubwandu bwa COVID 19. Imibare ya minisiteri y’ubuzima yo kuri uyu wa gatanu igaragaza ko mu bantu 6702 bapimwe, abantu 9 bonyine aribo bsaanzwemo iki cyorezo. Abanyarwanda bongeye kwibutsa kwikingiza inking zose mu rwego rwo gukomeza kwirinfa COVID 19 byuzuye kugira ngo bajye babasha kujya ahantu hahuriye abantu benshi.