Umusore witwa Tuyisenge Emmanuel w’imyaka 29 y’amavuko, wo mu Kagari ka Nyanza mu Murenge wa Busasamana mu Karere ka Nyanza, witeguraga gukora ubukwe, yitabye Imana azize impanuka yakoze ku wa 28 Nzeri 2024, ubwo yari atwaye moto. https://imirasiretv.com/ruhango-umuyobozi-ukomeye-afunganywe-numugore-we/

Nyakwigendera yari asanzwe akora akazi ko gutwara abantu n’ibintu kuri moto (umumotari), ndetse ngo yiteguraga kurushinga kuko n’umukobwa biteguraga kubana yari yaramwerekanye mu itorero rya ADEPR aho yari asanzwe asengera. Uyu musore yazize impanuka yabereye mu kagari ka Kavumu mu Murenge wa Busasamana mu karere ka Nyanza ahazwi nko ku Bigega mu muhanda Kigali-Huye.

Amakuru avuga ko umugenzi yari atwaye w’umunyamahanga yajyanwe ku bitaro bya CHUB i Huye akaba ari kwitabwaho n’abaganga. mu gihe umukobwa biteguraga kurushinga we yahise arwara ajyanwa mu Bitaro bya Nyanza, gusa yorohewe ndetse yari no mu baherekeje uwiteguraga kuba umugabo we. https://imirasiretv.com/ruhango-umuyobozi-ukomeye-afunganywe-numugore-we/