Neymar Jr ukomeje kugira ubuzima butari bwiza hanze y’ikibuga dore ko Atari gukina kubera ikibazo cy’imvune yagiriye mu ikipe y’igihugu ya Bresil, uyu mugabo umaze iminsi mike cyane umugore we yibarutse umwana, yasabye umukobwa witwa Aline Faria amashusho y’ubwambure bwe dore ko uyu mukobwa asanzwe ayacuruza ku rubuga rwa OnlyFans birangira uyu mugabo Neymar atandukanye n’umugore we Bruna Biancardi.

Ubu inkuru iri kuvugwa kuri uyu mukinnyi ni ikiganiro kirambuye yagiranye n’umunyamideri ndetse ucuruza amafoto n’amashusho y’ubwambure bwe Aline Faria abinyujije ku rubuga rwa OnlyFans. Neymar yagize ati” ese ufite amafoto y’ubwambure? Ubwo nzaba ndi Sao Paulo nanjye nzabikwereke.” Aline yahise amusubiza atangara cyane ati” ayo yo ndayafite menshi”.

Neymar arakomeza ati” ni ayahe? Nyereka ndashaka kwirebera.” Aline yahise amwoherereza aho kunyura akareba ariko amusaba kwishyura kandi akoresheje uburyo  busanzwe bukurikizwa kuri buri wese uyashaka. Yagize ati” uraza kumbwira niba ibyo wabonye wabikunze, ugomba kwiyandikisha nibwo uza kuyabona, kandi njye ngiye kuryama ugire ijoro ryiza, nizereko bitarakunanira.” Ibi bikorwa Neymar yakoze bikimara kumenyekana byatumye atandukana n’umugore we bari bamaze ukwezi babyaranye.

Umugore wa Neymar abinyujije ku rukuta rwe rwa Instagaram yatangaje ko atakiri kumwe n’uyu mukinnyi. Yagize ati” nubwo ari ubuzima bwite ariko kubera byangiraho ingaruka ndashaka kubamenyesha ko nta mubano ugihari. Ndizera ko mutazongera kumpuza n’ibyo muri kumva bivugwa”. Ibi kandi byanditswe n’ikinyamakuru Daily Mail kivuga ko uretse gusaba amashusho Neymar yacaga inyuma umugore we kenshi.