Mu karere ka Rwamagana, Umurenge wa Karenge, Akagari ka Cyabubare mu ijoro ryo ku wa kane tariki 21 Nzeri 2023. Umugabo wakoraga akazi k’Izamu y’ishe umugore bari bamaze gusambana bapfuye amafaranga magana atanu(500rwf).

Nyuma yo kwica umugore wari ufite uruhinjya rw’amezi 11 rwarize, umugabo abuze icyo akora ahitamo kwica uwo mwana. Abaturage bo muri aka gace bakaba bavuze ko ubwo uyu mugabo wakoraga akazi k’Izamu yari amaze gusambana n’umugore, akamwica  umwana akarira nawe akamwica yahise yishyikiriza Polisi y’Igihugu ikorera mu Murenge wa Karenge.

Ubuyobozi bw’Umurenge wa Karenge bwatangaje ko uwo mugore wishwe yari afite umugabo babana ndetse akaba se w’Umwana bishe. Umunyamabanga Nshingwabikorwa w’Umurenge Bahati Bonny yatangaje ko uwo mugabo yishe uwo mugore bapfa amafaranga 500 yo kumuhonga nyuma yo gusambana.

Bahati Bony yagize ati”uwo mugabo yavuze ko yamwishe kubera ko bumvikanye amafaranga 1000 ngo baryamane bamaze kubikora ngo yamwatse amafaranga 1500 ntiyayamuha ahubwo ahita amwica”.

Gitifu yakomeje avuga n’uburyo uwo mugabo nyuma yo kwica umugore yishe urwo ruhinja rw’amezi 11 ati”Yatubwiye ko yamaze kwica nyina umwana agahita atangira kurira cyane , ahita afata umwanzuro wo kwica uwo mwana.