Umushumba wa Kiliziya Gatolika, Papa Francis, kuri uyu wa Mbere, mu mpinduka zikomeye mu nyigisho za Vatikani, yemereye abapadiri ku mugaragaro guha umugisha ababana bahuje ibitsina. Ibi abyemeje nyuma y’uko ubusanzwe ishyingirwa ryari ryemewe muri Kiliziya Gatolika ryari iry’umugabo n’umugore gusa.

Muri uyu mwaka Ukwakira Papa Francis yabaye nk’uca amarenga aho yavugaga ko yumva abaryamana bahuje ibitsina n’abo bakwiye “Kwemerwa imbere y’amategeko” no “Kugira umuryango nk’abandi bose.”

Papa Francis yagize ati “Abaryamana bahuje ibitsina n’abo ni abana b’Imana kandi bafite uburenganzira bwo kugira umuryango nk’abandi. Bityo nta n’umwe ukwiye gutabwa cyangwa ngo agirirwe nabi kubera icyo. Kubera iyo mpamvu twe tugomba gushyiraho itegeko ribaha uburenganzira bwo kubana, ku buryo bazaba barinzwe n’amategeko.”

Papa Francis yagiye anengwa kenshi n’abayoboke ba Kiliziya Gatolika Kubera itegeko ryo muri 2021, ryasohowe n’ibiro  bya Vatikani bishinzwe imyemerere rivuga ko ritemera ababana bahuje ibitsina “Kiliziya Gatolika ntiyemera ababana bahuje ibitsina kubera ko Imana itaha umugisha iki gicumuro.”