Binyuze mu itangazo rishyira abasirikare mu kiruhuko cy’izabukuru ryasohotse kuri uyu wa 30 Kanama 2023, Perezida Kagame, akaba n’umugaba mukuru w’ikirenga w’ingabo z’u Rwanda yemeje ko Gen Kabarebe James, Gen Ibingira Fred, Lt Gen Charles Kayonga n’abandi basirikare bajya mu kiruhuko cy’izabukuru.

Mu bagiye mu kiruhuko cy’izabukuru harimo abafite ipeti rya general 12 bayobowe na Gen James Kabarebe wari umujyanama wihariye wa perezida Kagame mu by’umutekano, Lt Gen Frank Mushyo Kamanzi, Maj Gen Martin Nzaramba, Maj Gen Eric Murokore, Maj Gen Augustin Turagara, Maj Gen Charles Karamba na Maj Gen Albert Murasira uheruka kugirwa minisitiri ushinzwe ibikorwa by’ubutabazi.

Abandi bagiye mu kiruhuko cy’izabukuru harimo Brig Gen Chris Murari, Brig Gen Didace Ndahiro na Brig Gen Emmanuel Ndahiro. Mu bagiye mu kiruhuko cy’izabukuru kandi harimo abandi bofisiye bakuru 83, abato batandatu, abasirikare bato 86 n’abandi barangije amasezerano y’akazi 678, hakiyongeraho 160 bafite ibibazo by’ubuzima.