Umwaka wa 2023 ubura iminsi ibarirwa ku ntoki ngo urangire, waranzwe n’ibintu byinshi byaba ibibi ndetse n’ibyiza ku ngeri zose yaba abayobozi cyangwa ibyamamare bibaviramo kwangwa n’abantu benshi. Mu mpera z’umwaka kandi bimaze kuba ibisanzwe ko hagarukwa ku byawuranze mu ngeri zose.

Ikinyamakuru Rankers kimenyerewe mu gukora intoned zitandukanye kuri ubu cyamaze kwerekana ibyamamare 10 mpuzamahanga byanzwe cyane mu 2023, biturutse ku myitwarire yabo cyangwa ibikorwa bibi bakoze bikabaviramo kwangwa na benshi. Ikindi bagenderaho bareba ibyamamare byatutswe cyane ku mbuga nkoranyambaga hamwe no mu itangazamakuru.

Uru ni urutonde rw’ibyamamare 5 byanzwe cyane mu 2023

1.Vladimir Putin

Vladimir Putin akaba Perezida w’Igihugu cy’u Burusiya, niwe waje ku mwanya wa mbere mu byamamare byanzwe hano ku Isi mu 2023. Impamvu yatanzwe yatumye aba uwa mbere mu bantu banzwe cyane ni intambara yashoye mu gihugu cya Ukraine kuva muri Gashyantare 2022. Iyi mpamvu ni imwe mu zatumye aba umuntu watutswe, wanzwe kandi wagawe n’abantu benshi muri uyu mwaka.

2.Amber Heard

Amber Heard usanzwe ukina Filime muri Amerika, yaje ku mwanya wa Kabiri bitewe no kuba yarajyanye umugabo we mu nkiko witwa Johnny Deep na we usanzwe ari kizigenza muri Sinema ku Isi. Mu mwaka wa 2022, Byaravuzwe cyane ko Amber Heard yareze umugabo we Johnny Deep ko yamukubitaga bihoraho bituma akurwa mu mishanga yari afite muri uwo mwaka.

Ubwo uru rubanza yari yararezemo umugabo we rwarangiraga, byarangiye bigaragaye ko yatsinzwe, maze ategekwa kwishyura Johnny Deep miliyoni 25 z’amadolari z’indishya y’akababaro no kuba yaramusebeje agatakaza akazi ke muri Hollywood.

3.Meghan Markle na Prince Harry

Aba bombi baza no mu mazina y’ibyamamare byavuzwe cyane mu mwaka wa 2023, nyamara kuba baravuzwe cyane siko bavugwaga ibyiza cyangwa bashimwa ahubwo inshuro nyishi babaga batukwa, bashinjwa kubeshyera umuryango w’i Bwami.

Bivugwa ko uyu mugore n’umugabo aho banzwe cyane ari mu Bwongereza kubwo gushaka gusebya umuryango w’i Bwami bavuga ko nta bwumvikane bwari muri uyu muryango. Ndetse ibi byakurikiye igitabo Harry yanditse cyitwa ‘Spare’ aho yibasiyemo umuryango we, anenga amabanga yabo.

4.Bill Cosby

Bill Cosby w’imyaka 86 y’amavuko wo muri Amerika, akaba asanzwe akina filime muri Hollywood we azira gufata kungufu umukobwa bigatuma izina rye risubira inyuma ndetse akanagwa. Uyu mwaka yongeye kugarukwaho cyane nyuma y’uko abagore bagera ku icyenda bamujyanye mu nkiko muri Kamena uyu mwaka, bamushinja ko yabafashe ku ngufu mu bihe bitandukanye.

5.Donald Trump

Donald Trump wahoze ari Perezida wa Leta Zunze Ubumwe za Amerika, ari mu banzwe cyane uyu mwaka, kubwo guhora mu ntonganya n’abanyapolitiki bagenzi be, yanzwe cyane bitewe n’amagambo yagize avuga cyane ku rubuga rwe yashinze rwa ‘Truth Social’ nyuma y’uko yirukanwe kuri X na Instagram, ngo ayo magambo yabaga yiganjemo gusesereza abandi cyane.