Polisi yo mu gihugu cy’u Burundi yatangaje ko yataye muri yombi abagabo babiri barimo uzwi cyane ku izina rya Rama bikaba bivugwa ko ari umukozi w’iperereza, akaba yafatanye na bagenzi be ubwo bari bagiye kwiba mu cyanya cyahariwe ubucuruzi [Quartier_Industriel], ubwo bafatwaga babasanganye imbunda 2 zo mu bwoko bwa Kalashnikov na masotera 2.

Uretse Rama (wambaye umupira w’umweru uriho nimero 23) undi babafatanye yitwa NIYOMUGABO Romalick bivugwa ko bose hari ibindi byaha bakoze mbere y’ubu bujura. Nka Rama bivugwa ko asanzwe azwiho gukora amabi menshi harimo no gushimuta abaturage. Naho uyu Romalick akaba asanzwe afatisha abaturage ababesha ko bari kumwe mu rugamba ro kurwanya CNDD-FDD bikarangira bafunzwe.

Uwo mugabo uzwi nka Rama bivugwa ko ari mu Burundi nyuma yo guhunguka avuye mu nkambi ya Mahama mu Rwanda ndetse abantu benshi ntibazi uburyo avuga ko yari asigaye akora iperereza. Uyu mugabo avuka muri Zone na Komine yo mu Ntara ya Bubanza mu Burundi.

Amakuru avuga ko se umubyara witwa BIRONKWA Celestin yakoze cyane mu Mujyi wa Bujumbura, nyuma biza gutuma nabo bawimukiramo. Biza no gutuma baba inshuti zidasanzwe z’Umukuru w’Igihugu Evariste Ndayishimiye.

Mbere y’umwaka wa 2015, uyu Niyomugabo ngo yahoze akorera Umukuru w’Igihugu Evariste Ndayishimiye mu tubari twe twose, aho yakoraga nka Gerant. Ariko ngo muri 2015 nawe yahunze mu bandi ava muri iki gihugu biturutse ku bintu byabaye muri uwo mwaka.