Ni mu rubanza rwabaye uyu munsi tariki 13 zukwa 5, 2022 aho Ishimwe Dieudonne uzwi ku izina rya prince kid ukurikiranweho ubyaha by’ihohotera rishingiye ku gitsina bikekwa ko yakoreye bamwe mu bakobwa bitabiriye irushanwa rya miss Rwanda mu bihe bigeye bitandukanye amaze igihe ategura.

Uyu prince kid ashinjwa ibyaha bitatu birimo gukoresha undi imibonano mpuzabitsina ku gahato, gusaba cyangwa gukoresha ishimishamubiri rishingiye ku gitsina no guhoza ku nkeke undi bifitanye isano n’imibonano mpuzabitsina.

Ishimwe ubwo hamenyekanaga ko yatawe muri yombi n’urwego rw’igihugu rw’ubugenzacyaha RIB ntago byatinze humvikana amajwi byavuzwe ko ari amajwi ya Miss Muheto ndetse n’uyu Prince kid, ndetse byatumye abantu benshi bakoresha imvugo yitwa “happiness” cyane kubera ko muri ayo majwi uyu prince kid yasabaga Miss Muheto happiness nk’uko nawe yamurwaniriye ishyaka ubwo yari ari kwiyamamariza gutwara ikamba rya nyampinga 2022.

Ntago ari ibyo gusa kandi, abantu benshi bashimiye miss Muheto kubw’igikorwa cyiza yakoze cyo kugaragaza ibikorwa bya Prince kid kubera ko asa nk’aho ariwe wabishyize hanze, nubwo n’urwego rw’igihugu rw’ubugenzacyaha RIB rwtangaje ko burya bari bamaze igihe bashaka amakuru yimbitse ku bibera muri miss Rwanda kuva muri 2019 nk’uko umuyobozi wayo yabitangaje.

Ariko uretse n’ibyo na Madame Marie Immacule ubwe nk’umuyobozi ushinzwe kurengera uburenganzira bw’abana n’abagore akanarwanya ihohoterwa ribakorerwa, ubwo yaganiraga n’UKWEZI TV kuri Youtube yavuze ko prince kid atahakana avuga ko amajwi yumvikanye Atari aye kuko asanzwe amuzi kandi yaramwiyumviye.

Ubwo urubanza rwabaga uyu munsi, abashinjacyaha basabye ko rwabera mu muhezo, nk’uko twabibagejejeho mu nkuru yatambutse, urukiko rumaze kubyemeza iburana riratangira aho baburanaga niba prince kid yafungurwa akaburana ari hanze cyangwa se agafungwa iminsi 30, aribwo UMUSEKE .RW nyuma y’urubanza baje kumenya bimwe mubyo prince kid yaburanye mu gihe cy’urubanza.

Ubwo yaburanaga yahakanye avuga ko amajwi yumvikanye Atari aye, ahubwo yakozwe nk’amacurano, gusa avuga ko igihe azaba arimo kuburana urubanza mu mizi aribwo azavuga kuby’ayo majwi abisobanura neza.

Byaje kurangira urukiko rwanzuye ko ruzasoma imyanzuro tariki 16 zukwa 5 saa cyenda zo ku gicamunsi. Prince kid ubwo yasohokaga mu rubanza aho rwaberaga ku rukiko rwa Kicukiro, yafashwe amashusho ubwo yapeperaga abantu bari bari aho ngaho byabateye agahinda cyane, ariko banatungurwa n’ukuntu yari arinzwe bidasanzwe, ku buryo hari n’umunyamakuru wavuze ko arebye uko bimeze, hari amahirwe menshi yo kuba prince kid batazamwemerera kuburana ari hanze.

“Ese miss Meghan NIMWIZA yaba yarasezeye mu marushanwa ya miss Rwanda nk’umu Judge kubera Prince kid?”| abakunzi ba miss Rwanda bafite ibyo bari kubivugaho.