Mukura Victory Sports yatsinze Rayon Sports igitego 1-0 cyatsinzwe na Samson Ayilara Oladosu mu mukino w’umunsi wa shampiyona wabereye kuri Stade Amahoro kuri uyu wa Gatandatu.

Nubwo Rayon Sports itsinzwe, iracyari ku mwanya wa mbere n’amanota 46, ikarusha APR FC ya kabiri amanota ane.

Biteganyijwe APR FC iri ku mwanya wa kabiri izakina na Vision FC ku Cyumweru, ikaba ifite amahirwe yo kugabanya ayo manota iramutse itsinze uwo mukino.

Ku rundi ruhande, iyi ntsinzi yatumye Mukura Victory Sports izamuka ku mwanya wa gatanu n’amanota 33, ikomeza guhatana mu myanya yo hejuru muri shampiyona y’uyu mwaka.

Uyu mukino wasize Rayon Sports ihatirwa gukomeza gushaka amanota kugira ngo ikomeze kuyobora shampiyona, mu gihe APR FC na Police FC zikomeje kuyigenda inyuma.