Ku Cyumweru gishize tariki 21 Mutarama 2024, Umuyobozi Mukuru w’Urwego rw’Igihugu Rushinzwe Uburezi bw’Ibanze (REB), Dr. Nelson Mbarushimana yatangaje ko mu mwaka w’amashuri wa 2025/2026, abarimu bose bo mu Rwanda bazaba bafite mudasobwa.

Dr. Nelson ibi yabitangaje ubwo yari mu kiganiro Kubaza Bitera Kumenya cya RBA avuga ko guha abarimu mudasobwa biri muri gahunda ya Leta yo gukomeza kwimakaza ikoranabuhanga, mu myigishirize, ndetse abarimu bose mu Mashuri ya Tekinike, Imyuga n’Ubumenyingiro bamaze guhabwa mudasobwa.

Mu gukomeza kwimakaza ikoranabuhanga mu myigishirize bazakora ibishoboka mu myaka ibiri iri imbere abarimu bose bazabe barahawe mudasobwa kugira ngo barusheho kunoza akazi kabo.