Kuri uyu wa 24 Nyakanga 2024, Urwego rw’Igihugu rw’Ubugenzacyaha, RIB, rwatangaje ko ruri gukora iperereza kuri Karera Patrick, Umunyamabanga Uhoraho muri Minisiteri y’Ibidukikije, ku byaha akekwaho yakoreye muri iyi Minisiteri.

Ibi bibaye nyuma y’uko uwari Minisitiri w’Abakozi ba Leta n’Umurimo Dr Jeanne d’Arc Mujawamariya na we wigeze kuyobora Minisiteri y’Ibidukikije na we yirukanywe ku mirimo nk’uko byatangajwe n’Ibiro bya Minisitiri w’Intebe mu gitondo cyo kuri uyu wa 25 Nyakanga 2024.

Aya makuru y’uko Karera ari gukorwaho iperereza yemejwe n’Umuvugizi wa RIB, Dr. Murangira Thierry B, aho yavuze ko muri Minisiteri y’Ibidukikije hari abari gukorwaho iperereza. Yagize ati “Nibyo Jean D’Arc Mujawamariya ari gukorwaho iperereza, ku byaha akekwa kuba yarakoze ubwo yari muri Minisiteri y’Ibidukikije, ari Minisitiri w’Ibidukikije. “

Dr Murangira kandi yavuze ko ibizava mu iperereza bizatangazwa nyuma niba yakurikiranywa afunze cyangwa adafunze. Mu gihe Ibiro bya Minisitiri w’Intebe bivuga ko Dr Mujawamariya “ Hari ibyo agomba kubazwa akurikiranyweho.”