Umuhanzi Emery Gatsinzi wamenyekanye cyane nka Riderman mu muziki nyarwanda, yatanze ubutumwa bukangurira abanyarwanda kwigira ku mateka y’ahahise bituma habaho kwirinda icyasubiza igihugu cy’U Rwanda mu mwijima.  Uko tariki 6 z’ukwa 4 mu 1994 umunsi wabanjirije jenoside yakorewe abatutsi wiriwe

Ni mu gihe u Rwanda rwinjiye mu cyumweru cyo kwibuka Jenoside yakorewe abatutsi mu mwaka w’1994, nk’uko buri wa 7 mata isi yose n’u Rwanda muri murange rwinjira mu minsi 100 yo kwibuka Jenoside yakorewe abatutsi mu 1994 yatwaye abasaga miliyoni.

Mu kiganiro yagiranye n’Igihe Riderman yavuze ko abantu bagomba kwigira mu kahise iteka kugira ngo birinde icyabasubiza inyuma, ati “twigire ku hahise hacu habi, twirinda icyadusubiza mu mwijima. Mu gihe nk’iki cyo kwibuka abacu buri wese abe hafi ya mugenzi we amuhumurize kugira ngo adaheranwa n’agahinda.”

Riderman yakomeje avuga ko kimwe mu bintu bikwiye gushyirwa imbere ari ukwiyubaka no gushyira hamwe hakirindwa icyo aricyo cyose cyahembera ivangra n’urwango. Yakomeje avuga ko tugomba kwibuka twiyubaka, dukundana, dushyira hamwe tukirinda ibidutanya, tukirinda imvugo z’urwango uri iki gihe, imvugo zikomeretsa n’imvugo zipfobya Jenoside yakorewe abatutsi.

Ni mu gihe U Rwanda rwinjiye mu gihe cyo kwibuka Jenoside yakorewe abatutsi ku inshuro ya 29 ku insanganyamatsiko ivuga iti “Kwibuka twiyubaka.”