Fabos Fali 
Ruger utegerejwe mu gitaramo kigomba kubera muri BK Arena ku wa 28 Ukuboza 2024, yageze i Kigali mu gitondo cyo kuri uyu wa 27 Ukuboza 2024, mu gihe Victony bagomba gutaramana we ategerejwe kuhagera mu gitondo cyo ku wa 28 Ukuboza 2024.
Ruger na Victony bagiye gutaramira i Kigali mu gitaramo cya Intore Entertainment ifatanyije na BK Arena.
Victony, ni umunya-Nigeria uvanga kurapa no kuririmba. Uyu musore wavutse ku wa 5 Mutarama 2001, akomoka mu gace Orsu muri Leta ya Imo.
Yamamaye mu ndirimbo nka Soweto, Kolomental, Stubborn yakoranye na Asake n’izindi nyinshi.
Ruger (izina yahawe na D’Prince wavumbuye impano ye) we ni umusore uhagaze bwuma mu muziki cyane ko ari mu bagezweho muri Nigeria no muri Afurika muri rusange.
Ruger yazamutse cyane mu muziki nyuma yo gusinyana amasezerano y’imikoranire na D’Prince binyuze muri sosiyete ye ifasha abahanzi yitwa ’Jonzing World Record’.
Fabos Fali 
