Gloire AKIMANA Kuri uyu wa 15 Ukuboza 2023, saa kumi n’ebyiri za mugitondo, hamenyekanye amakuru ko umugabo witwa Bigirimana Pascal uri mu kigero cy’imyaka 45 y’amavuko, yasanzwe ari wenyine yapfuye mu kazu bararagamo. Uyu mugabo yari atuye mu mudugudu wa Shagasha, Akagari ka Shagasha, Umurenge wa Gihundwe mu Karere ka Rusizi.
Nyakwigendera Bigirimana amakuru avuga ko avuka mu Karere ka Nyamasheke, Umurenge wa Karengera, Akagari ka Gashashi, Umudugudu wa Mwiyando, akaba yari asanzwe akora akazi k’ububaji.
Umuyobozi w’Akarere ka Rusizi, Dr. Kibiriga Anicet yahamirije aya makuru UMUSEKE. Yagize ati “Ni byo byabaye saa kumi n’ebyiri za mugitondo, ni umugabo witwa Bigirimana Pascal w’imyaka 45 y’amavuko, ni umugabo w’i Nyamasheke wakoraga akazi k’ububaji, aho yasanzwe aho bararaga yapfuye.”
Gloire AKIMANA 