Niyibikora Safi wamamaye mu muziki nyarwanda nka Safi Madiba, aho yazamukiye mu itsinda rya Urban Boys kugeza ubu bakaba baratandukanye. Nyuma y’iminsi mike havugwa inkuru ko iri tsinda rishobora kuba rigiye gusubirana uyu muhanzi Safi Madiba yavuze ko atiteze na rimwe gusubira muri iri tsinda nubwo ariko ngo bashobora kuba ari inshuti ze.

Madiba yagize ati “Yego nibyo twaba inshuti nk’abantu n’uubundi tubana ariko ibyo gusubirana nk’itsinda byo ntibishoboka”. Ibi abivuze nyuma y’iminsi mike umwe mubo babanaga mu itsinda Nizzo Kaboss, atangaje ko Urban Boys igiye gusubirana. Ni inkuru yishimiwe na benshi ariko Safi Madiba abwira iri tsinda ko bitashoboka.

Nyamara iri tsinda risa nk’aho ryasenyutse nubwo batarabitangaza, babiri barisigayemo umwe ntakiba mu Rwanda aho yerekeje muri Kenya ku mpamvu z’akazi n’umuryango naho undi ariwe Nizzo aherutse kwinjira mu biganiro byo kuri Youtube bizwi nka Podcast. Kugeza ubu twavuga ko Safi Madiba ari we usigaye ukora cyane kuko we afite igitaramo gikomeye muri Canada aho azanamurikira Album ye aherutse gushyira hanze.

Iki gitaramo cya Safi Madiba giteganyijwe ki itariko 30 Ukuboza 2023, aho azahurira ku rubyiniro n’ibyamamare bikomeye. Amakuru yizewe amaze kugera hanze ni uko Safi Madiba narangiza kumurika iyi Albuma azahita asohora indirimbo yise Valentine.