Mbabazi Shadi uzwi nka Shaddy-boo, yagishije inama abamukurikira ku imbuga nkoranyambaga kugira ngo amenye niba yahitamo kwakira amafaranga abarabu bari kumuha maze akabagurisha imbuga nkoranyambaga ze.

Shaddy boo yagaragaje ko yabuze amahitamo kubera amafaranga menshi ri guhabwa n’ikipe yo muri Arabia Saoudite yamusabye ko yayigurisha imbuga nkoranyambaga ze zirimo Instagram na twitter. Ni ubutumwa yanyujije ku rukuta rwe rwa twitter avuga ko ikipe y’umupira w’amaguru y’abagore yo mu cyiciro cya gatatu yo muri icyo gihugu yamusabye kubagurisha izo mbuga ze kuri miliyoni 20$[hafi miliyari na miliyoni 700 z’amafaranga y’u Rwanda].

Yagize ati “nkeneye inama zanyu. Ikipe y’umupira w’amaguru y’abagore yo mu cyiciro cya gatatu muri Arabia Saoudite, bari kumpa miliyoni 20 z’amadorari ngo bagure twitter na Instagram zanjye. Ese mbyemere cyangwa mbyange?”

Shaddy boo akurikirwa n’abarenga miliyoni kuri Instagram mu gihe twitter akurikirwa n’abarenga ibihumbi 210. Agisha iyi nama byagaragaraga ko yabuze amahitamo kuri aya mafaranga niba yayemera cyangwa akayanga.

I need your advice. A third division women’s football club in Saudi Arabia is offering me 20 million dollars to buy my Twitter and Instagram accounts, and for me to become their mascot. Should I accept or decline this offer ? pic.twitter.com/Yax5VdC5BR

— Shaddyboo (@shaddyboo__92) June 6, 2023