Amakuru ari kuvugwa kuri Shaddyboo ni uko we n’umukunzi we Manzi Jeannot usanzwe aba muri Kenya, batandukanye nyuma y’umwaka umwe bari mu rukundo. Icyakora aba bombi nta n’umwe uragira icyo avuga ku itandukana ryabo.

Mu bitangazamakuru bitandukanye ndetse n’imbuga Nkoranyambaga, bari kuvugwa cyane kubwo kuba yaba Shaddyboo ndetse na Manzi nta n’umwe ugikurikira undi kuri Instagram n’izindi mbuga bakunze gutwikiraho. Ni nyuma y’uko mu minsi yashize aba bombi batahwemaga gushimagizanya nta guhisha rubanda amarangamutima yabo, ariko kuri ubu nta n’umwe ukigira icyo atangaza kuri mugenzi we.

Si ibyo gusa kuko ubutumwa bwagiye bandikirana bagaragazanya urukundo rwabo, bombi barangije kubusiba. Shaddyboo na Manzi byamenyekanye ko bari mu rukundo muri Gicurasi 2022 ubwo Shaddyboo yatangazaga ko yinjiye mu rukundo n’uyu musore bari bamaze imyaka irenga itandatu ari inshuti z’akadasohoka.

Mu mpera za 2022 nibwo Shaddyboo yagiye kwerekanwa mu muryango w’umukunzi we.