Kuwa 21 ukwakira 2023 nibwo ibihembo bya Trace Awards byatanzwe, aho hari harasohotse urutonde rw’abazifashishwa mu gutanga ibi bihembo byatangiwe muri BK Arena.The Ben ndetse n’umugore we Pamela bari kuri gahunda yo gushyikiriza igihembo cy’indirimbo ifite amashusho yahise izindi, ni igihembo cyatanzwe saa mbili n’iminota 5.

Trace Awards ni ibihembo byari bitanzwe ku nshuro ya mbere kuva iyi nsakazamashusho yashingwa mu 2003, ndetse banizihiza imyaka 20 bamaze bateza imbere umuziki w’Afurika na Diaspora y’Afurika.iki gihembo The Ben na Pamela bagombaga gutangwa n’icyo cyabimburiye ibindi gihambwa indirimbo yitwa “Baddie” ya Yemi Alade wo muri Nigeria.

Uyu muhanzikazi w’imyaka 34 y’amavuko wamamaye cyane nka Mama Africa yagombaga guhabwa iki gihembo na The Ben ndetse iki gihembo n’icyo cyatanzwe mbere.ubwo cyarimo gitangwa hari ibyamamare bari bataragera muri BK Arena nka The Ben, Zuchu, Diamond Platnumz, jux, Davido n’abandi benshi batandukanye.

Uyu muhanzi wari kumwe n’umugore we Uwicyeza Pamela ubwo yavaga Marriott Hoteli yerekeza muri BK Arena yafashwe n’akavuyo k’imodoka bityo rero bimubuza gutanga ibihembo kuko yahageze akerewe. Bitewe n’uko imodoka zari nyinshi mu muhanda byasabye ko The Ben aherekezwa na Polisi y’u Rwanda ishami ryo mu muhanda.

The Ben yabwiye itangazamakuru ko Polisi yagerageje gushaka inzira ariko biranga ati”Yego kuba ntaratanze igihembo byatewe n’uko natinze kugera muri BK Arena kandi byaturutse ku kuba mu muhanda harimo ibinyabiziga byinshi.ibi byatumye iki gihembo cyahawe Yemi Alade agishyikirizwa na Olivier Laouchez washinze Trace.