Mu ijoro ryo kuwa 16 Ugushyingo 2023 ubwo habaga igitaramo cy’urwenya cya Gen-z comedy, Fally Merci usanzwe agitegura yatunguwe no kubona Ishimwe Thierry wamenyekanye nka Titi Brown umaze iminsi mike afunguwe yacyitabiriye, amusaba kuza gusuhuza abacyitabiriye.

Merci, nyuma y’uko Titi ageze ku rubyiniro, yasabye abitabiriye igitaramo kuremera Titi mu buryo bwo kumwereka urukundo. Abitabiriye bamuremeye amafaranga menshi kuburyo Titi Brown byamurenze akanatungurwa, abura icyo avuga.

Mu magambo make yashimiye abamubaye hafi mu bihe arimo. Ntabwo umubare w’amafaranga yatahanye uzwi kuko yabashije kuhaba atarayabara.