Abasore/abagabo ndetse n’abakobwa/abagore bose bagira ibyiyumviro bimwe iyo bakunze iryo ni ihame! Gusa nanone abakobwa birabakomerera kwegere abasore ngo bababwire ko babakunze. Ese ni ukubera iki abakobwa batinya kwegera abasore ngo bababwire ko babakunze kandi koko babakunda koko? Abakobwa berekanye impamvu 6 nyamukuru zituma batinya gutera intambwe mbere ngo babwire abahungu ko babakunda.  Ibimenyetso 7 bizakugaragariza ko inshuti yawe ari we muzabana akaramata (soulmate)

UMUKOBWA NTAGO ABA ASHAKA KO UMUHUNGU ATEKEREZA KO ARI GUSHAKISHA UMUKUNZI: umukobwa umwe yaravuze ati “mba ntinya ko umuhungu atekereza ko noroshye mbese nta gaciro mfite” abagore benshi batinya kugaragara nk’abacitse amazi, uretse gusa igihe umusore ari icyamamare. Gusa nanone abasore benshi birabashimisha cyane iyo umukobwa ari we uteye intambwe ya mbere, ari nayo mpamvu niba uri umukobwa, byaba byiza wegereye umuhungu wakunze, ukiha amahirwe, bwa mbere mukabasha guhana ama numero.

UMUKOBWA NTAGO ABA YIFITIYE ICYIZERE, ABA YUMVA ATARI MWIZA BIHAGIJE: umukobwa umwe yagize ati “biba birenze ibihagije kurebera kure umuhungu wikundiye mu ibanga.” Abakobwa benshi bashimishwa no kubona abo bakunze batarabibwirana ari beza birabashimisha.  Gusa nanone kwigirira icyizere ni cyo cya mbere, bityo niba uri umukobwa, ushobora kwishakira icyizere uhereye mu kwiyitaho, kwambara neza ndetse no kwikesha.

UMUKOBWA ATEKEREZA KO KUBA BWAKORA AHANTU HAMWE CYANGWA BAHURA KENSHI ASHOBORA GUSEBA: umukobwa umwe yagize ati “byambana agatereranzaba mbwiye umusore ko mukunda akampakanira” ntago ari ibintu bitunguranye kuba umukobwa yatinya kubwira umusore ko amukunda kubera ko bafite byinshi bahuriraho nko kuba bigana, cyangwa se bakorana. Niba uri umukobwa bikaba bimeze gutyo, ushobora kubanza gutera intambwe y’ubushuti bwa mbere utabanje kwirukira ku rukundo.

HARI UBWO UMUKOBWA ABA ATAZI KO UMUSORE AFITE UMUKUNZI CYANGWA NTA WE: umukobwa umwe yaravuze ati “njye ntago negeranye na we cyane ngo mbe nabimubaza.” Niba utari inshuti cyane n’umusore wakunze ngo ube wamubaza niba asanzwe afite uwo bakundana, byaba byiza ari cyo ubanje kwitaho mbere yo guhubukira mu rukundo kuko usanze afite umukunzi kandi wamubwiye ko umukunda nabyo ntago byaba byiza.

UMUKOBWA ASHOBORA KUGIRA UBWOBA KUBERA ITANDUKANIRO RIRI HAGATI MU MYAKA YA BO: umukobwa umwe yagize ati “ndamureba nkabona ahubwo ashobora no kuba adashobora kuntekereza nk’umuntu bashobora gukundana ku kigero cye!” abakobwa benshi bakunda abasore babarusha imyaka, ariko nanone abasore bakuze na bo ntago bakunze gusaba urukundo abakobwa bato cyane, niba uri umukobwa ukaba ubona umusore umeze gutyo, ufite amahirwe menshi ko yakubwira ‘Yego’

UMUKOBWA ASHOBORA GUTINYA KUBERA KO ABONA UMUSORE ATAMWITAYEHO: umukobwa umwe yagize ati “njye mbona umuhungu nkunda atanyitayeho nkabyihorera.” Hari abakobwa benshi batinya gutera intambwe ngo babwire abahungu ko babakunda kubera ko babona abo bahungu batabitayeho, ariko nanone birashoboka ko uwo musore na we uko umubona ari uko atamenyereye cyangwa se agira ubwoba bwo kwegera umukobwa wowe ukabona atakwitayeho. Niba umusore atakwegera ngo muganire cyangwa agusabe numero, wowe ushobora kubikora ntacyo bitwaye, nta n’itegeko rivuga ko utatangira urugendo rwanyu mwembi.