Fabos Fali 
Ibiro bya Perezida w’u Burusiya byatangaje ko iki gihugu cyahaye ubuhungiro Perezida wa Syria, Bashar al- Assad, ku itegeko rya Vladimir Putin.
Ni ibyatangajwe kuri uyu 9 Ukuboza 2024. Bije bikurikira amakuru yavugaga ko Bashar al-Assad n’umuryango we bamaze kugera mu Burusiya nyuma y’uko imitwe yitwaje intwaro irimo uwa Hayat Tahrir-al-Sham (HTS) yari imaze guhirika ubutegetsi igafata Umurwa mukuru wa Syria, Damascus.
Umuvugizi w’Ibiro bya Perezida w’u Burusiya, Dmitry Peskov, ubwo yabazwaga uko Assad yabonye ubuhungiro mu Burusiya, yavuze ko umwanzuro wafashwe n’umukuru w’igihugu.
Ati “Imyanzuro nk’iyi ntishobora gufatwa utabanje kubaza umukuru w’igihugu, ni we uyifata.”
Ku wa 8 Ukuboza 2024 nibwo itangazamakuru ryo mu Burusiya ryatangaje ko Bashar al-Assad n’umuryango we bahawe ubuhungiro mu Burusiya kubera impamvu z’ubutabazi nk’uko Minisiteri y’ububabyi n’amahanga y’u Burusiya yabitangaje.
Imitwe ya Hayat Tahrir-al-Sham (HTS) n’indi mitwe itaravugaga rumwe n’ubutegetsi bwa Bashar al-Assad yigaruriye Damascus ku Cyumweru tariki 8 Ukuboza 2024, nyuma yo kugaba ibitero mu duce twinshi twa Syria.
Fabos Fali 
