Ku mugoroba wo kuwa 16 Ugushyingo 2023, nibwo ku kibuga Mpuzamahanga cya Kigali hageze abimukira baturutse muri Libiya, bakomoka mu bihugu bitandukanye birimo Sudani, Eritrea, Etiyopiya, Somaliya na Sudani y’Epfo.

Minisiteri Ishinzwe Ibikorwa by’Ubutabazi yatangaje ko u Rwanda rukiri ku ntego yo gutanga ubuhungiro n’ubufasha ku baturage bari mu kaga.

Ni mu gihe aba bimukira baje basanga abandi basaga 500 bacumbikiwe mu nkambi ya Gashora mu karere ka Bugesera mu gihe hagishakishwa ibihugu bazajyamo. Abagera ku 1500 nibo bamaze kunyuzwa muri iyi nkambi y’agateganyo, abagera 900 bakaba bamaze kubona ibihugu bibakira.

Gahunda yo gufasha abimukira bari mu babayeho nabi mu nkambi zitandukanye muri Libya bategereje kugera I Burayi yashyizweho muri 2019 na Guverinoma y’u Rwanda ku bufatanye n’Umuryango w’Afurika Yunze Ubumwe, Ishimi rya Loni ryita ku mpunzi n’abandi bafatanyabikorwa